Avmaal 15 - Kitaab al Vahd aj Jadid 1978

AL MAJLIS FI UURUSHALIIM

¹ Wa bavḍ min ar rujaal nazalu min al Yahuudiyya le Anṭaakiya, wa kaanu bivallimu_l axwaan wa yaguulu, “’In kaan maa takuunu muṭahhariin ḥasab vaadat Muusa, maa bitagdaru taxlaṣu.”

² Wa ḥaṣal le Buulus wa Barnaaba mushaakala wa kalaam katiir mavaahum. Valashaan kida, ixtaaru Buulus wa Barnaaba wa naas taanyiin minnahum yamshu le Uurushaliim le_r rusul wa_sh shuyuux fishaan as su’aal da.

³ Wa bavd maa_l kaniisa rassalum, hum saafaru le Finiigiya wa_s Saamira, wa kaanu bixabbirum be rujuuv al umam. Wa kullu_l axwaan firḥu faraḥ vaẓiim.

⁴ Wa lamman wiṣlu le Uurushaliim, al kaniisa wa_r rusul wa_sh shuyuux gaabalatum. Wa xabbaroohum be kull al vamalu Allaah mavaahum.

⁵ Laakin bavḍ min al mi’aaminiin min ḥizb al Farriisiyyiin gaamu wa gaalu, “Al umam laazim yakuunu muṭahhariin. Wa naddiihum amr ’an yaḥfaẓu gaanuun Muusa.”

⁶ Wa_r rusul wa_sh shuyuux itlammu vashaan yashuufu_l ḥaaja di.

⁷ Wa bavd maa itkallamu katiir, gaam Buṭrus wa gaal leehum, “Yaa axwaan, intu bitavrifu min zamaan, Allaah ixtaarni min beenkum, vashaan al umam yasmavu min xashmi kilmat al injiil wa ya’aaminu.

⁸ Wa Allaah al bivrif al guluub, shihid leehum lamman addaahum ar Ruuḥ al Gudus zei maa addaana kamaan.

⁹ Wa hu maa vamal farig beenana wa beenum, vashaan naḍḍaf guluubum be_l iimaan.

¹⁰ Valashaan kida, le shinu tajarribu Allaah, wa taxuṭṭu niir vala ragabaat at talaamiiz? Wa_n niir da mush abahaatna wa laa niḥna gidirna nashiilu.

¹¹ Laakinna be nivmat ar Rabb Yasuuv al Masiiḥ na’aamin vashaan naxlaṣ, zei maa hum yaxlaṣu kamaan.”

¹² Wa kullu_n naas sakatu, wa kaanu yasmavu le Barnaaba wa Buulus wa hum yaguulu leehum kullu_l vamalu Allaah be iideehum min al valaamaat wa_l vajaayib.

¹³ Wa bavd maa xallaṣu kalaamum, Yavkuub itkallam wa gaal, “Yaa axwaan, asmavu leiya.

¹⁴ Simvaan xabbarna keef Allaah zaar al umam fi_l awwal, vashaan taaxud minnahum naas le nafsu.

¹⁵ Wa kilmaat al anbiya tattafig mava da, zei maa huwa maktuub,

¹⁶ Barjav bavd da, wa abni xeemat Daawuud al wagavat. Wa babni kamaan xaraabaatu, wa bavmila jadiida marra taanya.

¹⁷ Valashaan baagi_n naas at taanyiin wa kullu_l umam al axadu ismi valeehum, yaṭlubu_r Rabb al vaamil al ḥaajaat di, yaguul ar Rabb.

¹⁸ Wa di mavruufa giddaamu min zamaan.

¹⁹ Valashaan kida, fikri ana, maa naxuṭṭ ḥimil tagiil vala_l birjavu le Allaah min al umam.

²⁰ Laakin naktib leehum vashaan yarfuḍu_ḍ ḍabaḥooha le_l aṣnaam, wa_z zina, wa maa yaaklu_l laḥam al min bahaayim maxnuug, walla_d damm.

²¹ Vashaan min az zaman al gadiim, bibashshiru be Muusa fi kullu madiina, wa bigruuhu fi buyuut ar Rabb kullu sabit.”

JAWAAB AL MAJLIS LE_L AXWAAN MIN AL UMAM

²² Fi_l wakit da, ar rusul wa_sh shuyuux mava kullu_l kaniisa shaafu ’innu kwaiyis yaxtaaru minnahum raajleen, wa yarassiluuhum le Anṭaakiya mava Buulus wa Barnaaba. Wa ixtaaru Yahuuza al ismu Barsaaba, wa Siila, raajleen mavruufiin been al axwaan.

²³ Wa katabu_j jawaab, wa rassaloohu mavaahum. Wa_j jawaab gaal, “Min al axwaan, ar rusul wa_sh shuyuux le_l axwaan min al umam fi Anṭaakiya wa Suuriyya wa Kilikiyya. Nasallim valeekum.

²⁴ Simivna bavḍ an naas maragu minnana wa ḥarrakookum wa ḥayyaru nufuuskum be kilmaatum. Wa niḥna maa amarnaahum yasawwu kida.

²⁵ Wa kulluna ittafagna naxtaar raajleen, wa narassiluuhum leekum mava ḥabiibeena Barnaaba wa Buulus.

²⁶ Wa hum raajleen xaaṭaru be ḥayaatum fishaan isim Rabbana Yasuuv al Masiiḥ.

²⁷ Wa fishaan kida, rassalna leekum Yahuuza wa Siila. Wa hum bixabbiruukum be_l ḥaajaat di be kalaam al xashm.

²⁸ Wa kaan kwaiyis le_r Ruuḥ al Gudus wa leena, ’an maa naxuṭṭ valeekum ḥimil foog al ḥaajaat aj jaiya di:

²⁹ Wa hiya ’an tarfuḍu _ḍ ḍabaḥu le_l aṣnaam, wa_d damm, wa_l laḥam al min bahaayim maxnuug, wa_z zina. Wa iza manavtu nufuuskum min deel, bitavmilu kwaiyis. Mava_s salaama.”

³⁰ Wa lamma rassaloohum, deel maragu le Anṭaakiya wa lammu_n naas, wa sallamu leehum aj jawaab.

³¹ Wa lamma an naas garoohu, hum firḥu be_t tavziya di.

³² Wa Yahuuda wa Siila, wa hum kamaan kaanu anbiya, bashsharu_l axwaan be kalaam katiir, wa shaddadoohum.

³³ Wa bavd maa istannu hinaak wakit, al axwaan xalloohum yamshu be salaam le_n naas ar rassaloohum.

³⁴ Wa laakin Siila ixtaar yistanna hinaak.

³⁵ Laakin Buulus wa Barnaaba gavadu fi Anṭaakiya bivallimu wa bibashshiru be kilmat ar Rabb mava taanyiin katiiriin kamaan.

³⁶ Wa bavd wakit, Buulus gaal le Barnaaba, “Xalluuna narjav wa nazuur al axwaan fi kullu madiina al bashsharna fiiha be kilmat ar Rabb, wa nashuuf keef hum biyavmilu.”

³⁷ Wa Barnaaba kaan vaawiz yaaxud mavaahum kamaan Yuuḥanna_l ismu Markus.

³⁸ Laakin Buulus iftakar maa kwaiyis yaaxud mavaahum al xallaahum fi Bamfiliyya wa maa masha mavaahum le_l vamal.

³⁹ Wa ḥaṣalat beenum shakla kabiira, ḥatta masha waaḥid van at taani. Wa Barnaaba axad Markus wa saafar be murkab le Gubrus.

⁴⁰ Laakin Buulus ixtaar Siila, wa marag bavd maa_l axwaan gaddamoohu le nivmat Allaah.

⁴¹ Wa marra be Suuriyya wa Kilikiyya yashaddid al kanaayis.