Avmaal 14 - Kitaab al Vahd aj Jadid 1978

FI IIGUUNIYA

¹ Wa fi Iiguuniya, Buulus wa Barnaaba daxalu sawa le beet ar Rabb al Yahuud. Wa itkallamu be_l guwwa ḥatta vadad kabiir min al Yahuud wa naas Griigi aamanu.

² Laakin al maa aamanu min al Yahuud ḥarraku nufuus al umam, wa ḥayyaru afkaarum vashaan yakuunu ḍidd al axwaan.

³ Wa Buulus wa Barnaaba gavadu wakit ṭawiil, yitkallamu biduun xoof van ar Rabb. Wa_r Rabb kaan bish‐had le kilmat nivmatu, wa biddiihum guwwa le yavmilu valaamaat wa vajaayib.

⁴ Wa naas al madiina ingasamu. Wa bavḍum kaanu mava_l Yahuud wa bavḍum mava_r rasuuleen.

⁵ Wa lamma_l umam wa_l Yahuud mava ru’asaahum kaanu vaawziin yashtimuuhum wa yarmuuhum be_l ḥujaar,

⁶ hum simivu beehu, wa harabu le mudun Listra wa Darba fi Lika’uniyya, wa le_l bilaad al gariiba.

⁷ Wa kaanu hinaak bibashshiru.

SHIFA AR RAAJIL AL AVRAJ

⁸ Wa fi Listra, raajil kaan bigvud, wa huwa makassaḥ fi rijleehu, avraj min baṭn ummu, wa maa masha abadan.

⁹ Wa hu simiv Buulus yitkallam. Wa Buulus vaayan leehu, wa shaaf ’innu vindu iimaan le_sh shifa.

¹⁰ Wa gaal be ṣoot vaali, “Guum vala kirveek!” Wa_r raajil naṭṭa wa ibtada yamshi.

¹¹ Wa lamma naas kutaar shaafu_l vamalu Buulus, rafavu aṣwaatum be lugha Lika’uniyya wa gaalu, “Al aaliha fi shakil an naas nazalu leena.”

¹² Wa hum sammu Barnaaba Zafs wa Buulus Harmas, vashaanu kaan al biguud fi_l kalaam.

¹³ Wa gassiis Zafa, al kaan beetu barra shwaiya min al madiina, jaab teeraan wa tiijaan le_l abwaab, wa kaan vaawiz yagaddim ḍabiiḥa mava_n naas al kutaar.

¹⁴ Laakin lamma_r rasuuleen, Barnaaba wa Buulus simivu be da, sharraṭu hiduumum wa jaru fi wasiṭ an naas al kutaar wa kooraku,

¹⁵ “Yaa rujaal, bitsawwu da le shinu? Niḥna kamaan naas, vindana nafs aṭ ṭabiiva zeiyakum. Wa nabashshirkum vashaan tarjavu min al ḥaajaat al biduun faaida di le Allaah al ḥai, al xalag as sama wa_l arḍ wa_l baḥar wa kullu_l fiiha.

¹⁶ Wa fi_z zaman al faat, huwa xalla kullu_l umam yamshu fi ṭurugum.

¹⁷ Wa laakin hu maa saab nafsu biduun shaahid. Wa hu biyavmil al xeer, wa biddiikum maṭar min as sama wa dura fi waktu, wa yamla guluubkum be akl wa faraḥ.”

¹⁸ Wa be_l kilmaat di, be_t tavb hum waggafu_n naas valashaan maa yaḍbaḥu leehum.

¹⁹ Laakin Yahuud min Antaakiya wa Iiguuniya jo wa ḥarrakoohum ḥatta ramu_l ḥujaar vala Buulus. Wa jarroohu barra_l madiina, wa hum yaftakiru huwa maat.

²⁰ Wa laakin lamma_t talaamiiz wagafu ḥawaaleehu, hu gaam wa daxal al madiina. Wa_l yoom al bavdu, hu marag mava Barnaaba le Darba.

²¹ Wa bavd maa bashsharu fi_l madiina diik, naas kutaar bigu talaamiiz. Wa bavdeen rajavu le Listra wa Iiguuniya wa Antaakiya,

²² yasaavidu nufuus at talaamiiz wa yashajjivuuhum ’an yakuunu saabitiin fi_l iimaan, wa yaguulu, “Laazim naṣbur vala atvaab katiira vashaan nadxul malakuut Allaah.”

²³ Wa Buulus wa Barnaaba ixtaaru leehum shuyuux fi kullu kaniisa, wa be_ṣ ṣala wa _ṣ ṣoom gaddamoohum le_r Rabb al aamanu beehu.

²⁴ Wa bavd maa marru be Bisidiyya, jo le Bamfiliyya.

²⁵ Wa lamma bashsharu be_l kilma fi Barja, nazalu le Attaaliya.

²⁶ Wa min hinaak saafaru fi_l baḥar le Anṭaakiya, al maḥall al fiihu al kaniisa kaanat gaddamatum fi_l awwal le nivmat Allaah le_l vamal al hassav kammaloohu.

²⁷ Wa lamman wiṣlu, jamavu_l kaniisa, wa xabbaru be kullu ḥaaja Allaah vamal mavaahum, wa keef fataḥ le_l umam baab al iimaan.

²⁸ Wa hum gavadu mava_t talaamiiz mudda ṭawiila.