Avmaal 13 - Kitaab al Vahd aj Jadid 1978

BARNAABA WA SHAAWUUL YASAAFIRU WA YABASHSHIRU

¹ Wa kaanu fi_l kaniisa_l fi Anṭaakiya anbiya wa muvallimiin, wa hum Barnaaba, wa Simvaan al ismu Niijar, wa Luukiyuus al Geeriini, wa Manaayin al kaan axu le Hiiruudus ra’iis al mudiiriyya, wa Shaawuul.

² Wa wakit maa hum bixdimu_r Rabb wa biṣuumu, ar Ruuḥ al Gudus gaal, “Jahhizu leiya Barnaaba wa Shaawuul le_l vamal an naadeetum leehu.”

³ Wa bavd maa ṣaamu wa ṣallu, xaṭṭu iideenum foogum wa rassalum.

FI GUBRUS

⁴ Wa_l itneen deel, murassaliin be_r Ruuḥ al Gudus, nazalu le Saluukiya. Wa min hinaak, saafaru fi_l baḥar le Gubrus.

⁵ Wa lamma wiṣlu le Salaamiis, hum xabbaru be kilmat Allaah fi buyuut ar Rabb bitaavat al Yahuud. Wa Yuuḥanna kaan mavaahum musaavid leehum.

⁶ Wa lamma saafaru fi_j jaziira kullaha lighaayat Baafuus, ligu raajil Yahuudi saaḥir wa nabi kaḍḍaab, ismu Baar Yashuuv.

⁷ Hu kaan mava_l mudiir Sarjiyuus Buulus, wa hu raajil shaaṭir. Wa_l mudiir naada Barnaaba wa Shaawuul wa ṭalab ’an yasmav kilmat Allaah.

⁸ Laakin Valiim as saaḥir, wa da mavna ismu, gaawamum wa jarrab yamnav al mudiir vashaan maa ya’aamin.

⁹ Laakin Shaawuul, al ismu Buulus kamaan, wa huwa malyaan be_r Ruuḥ al Gudus, vaayan le Valiim wa gaal,

¹⁰ “Yaa malyaan kullu ghishsh wa kullu kizb! Yaa walad Ibliis, yaa vadu kullu birr! (?) Maa tawaggif abadan taghayyir ṭurug Allaah al vadiila?

¹¹ Hassav shuuf! iid ar Rabb valeek, wa inta takuun vamyaan wa maa tashuuf ash shamish le wakit.” Wa ṭawwaali wagav valeehu ghamaam wa ḍulumma, wa kaan maashi hina wa hinaak, wa yaṭlub waaḥid vashaan yaguudu be iidu.

¹² Wa lamma_l mudiir shaaf al ḥaṣal, hu aaman, wa kaan mustaghrab min tavliim ar Rabb.

FI ANṬAAKIYA FI BISIDIYYA

¹³ Wa Buulus wa_l mavaahu saafaru be murkab min Baafuus, wa jo le Barja fi Bamfiliyya. Laakin Yuuḥanna xallaahum wa rajav le Uurushaliim.

¹⁴ Laakin hum mashu min Barja wa jo le Anṭaakiya fi Bisidiyya. Wa daxalu beet ar Rabb yoom as sabit wa gavadu.

¹⁵ Wa bavd giraayat al Gaanuun wa_l Anbiya, ru’asaa beet ar Rabb rassalu leehum yaguulu, “Yaa axwaan, iza kaan vindakum kilmat ash shujaava le_n naas, guuluuhu.”

¹⁶ Wa Buulus gaam wa vamal valaama be iidu wa gaal, “Yaa rujaal Israa’iil wa_l bixaafu Allaah min al umam, asmavu!

¹⁷ Ilaah shavb Israa’iil da ixtaar abahaatna, wa vamal ash shavb umma vaẓiima lamman kaanu ghariibiin fi balad Maṣr. Wa ṭallavum minnaha be guwwa vaẓiima.

¹⁸ Wa kaan vindu ṣabr vala_l mashi bitaavum muddat arbaviin sana fi_l xala.

¹⁹ Wa xarab sabva umam fi balad Kanvaan, wa adda leehum arḍum vashaan takuun miiraat.

²⁰ Wa kullu da ḥaṣal fi muddat urbuvmiyya wa xamsiin sana. Wa bavd daak, Allaah addaahum guḍaat lighaayat wakit Ṣamuuwiil an nabi.

²¹ Wa bavd da, hum ṭalabu malik, wa Allaah addaahum Shaawuul le muddat arbaviin sana, wa hu walad Gees, raajil min gabiilat Binyaamiin.

²² Wa lamma Allaah shaal minnahum Shaawuul, rafav Daawuud malik leehum, wa shihid leehu wa gaal, Ligiit Daawuud walad Yassa, raajil ḥasab galbi, wa huwa biyavmil kullu iraadati.

²³ Wa min awlaad ar raajil da, Allaah jaab le Israa’iil ḥasab al wavad, Yasuuv al Muxalliṣ.

²⁴ Wa gubbaal maa Yasuuv ja, Yuuḥanna bashshar be mavmuudiyyat at tooba le kullu naas Israa’iil.

²⁵ Wa lamma Yuuḥanna garrab yatimm xidmatu, hu gaal, Intu taftakiru ana minu? Ana maa huwa. Laakin shuuf! waaḥid biji bavdi, al ana maa bastaḥigg afikk jizamu.

²⁶ Yaa axwaan, awlaad Ibraahiim wa_l bixaafu Allaah beenkum, Allaah rassal leena niḥna kilmaat al xalaaṣ da.

²⁷ Wa_s saakniin fi Uurushaliim wa ru’asaahum maa virfu Yasuuv. Laakin lamma ḥakamu valeehu, tammamu kilmaat al anbiya al biyagruuha kullu sabit.

²⁸ Wa law maa ligu valeehu sabab le_l moot, ṭalabu min Biilaaṭus ’an yaktulu.

²⁹ Wa lamma tammamu kullu_l kaan maktuub vannu, nazzaloohu min aṣ ṣaliib wa xaṭṭoohu fi gabr.

³⁰ Wa laakin Allaah gawwamu min been al meyyitiin.

³¹ Wa hu ẓahar aiyaam katiira le_l mashu mavaahu min aj Jaliil le Uurushaliim. Wa hassav hum shaahidiinu le_n naas.

³² Wa niḥna nabashshirkum be_l wavd al wavadu Allaah le abahaatna.

³³ Huwa tammam da leena, niḥna awlaadum, lamma gawwam Yasuuv min been al meyyitiin. Zei maa huwa maktuub kamaan fi_l Mazmuur at taani, Inta ibni. Ana_l yoom waladtak.

³⁴ Wa be xuṣuuṣ al ḥagg ’an Allaah gawwamu min been al meyyitiin, wa hu maa birjav le_t turaab, hu gaal, Ana baddiikum al barakaat al amiina_l magaddasa bitaavat Daawuud.

³⁵ Wa kida yaguul kamaan fi Mazmuur aaxir, Inta maa bitxalli Gudduusak yarjav le_t turaab.

³⁶ Vashaan Daawuud, bavd maa xadam Allaah fi jiilu be tartiib Allaah, naam w_itlamma le abahaatu, wa jismu rajav le_t turaab.

³⁷ Laakin al gawwamu Allaah min been al meyyitiin maa rajav le_t turaab.

³⁸ Xalliihu yakuun mavruuf leekum, yaa axwaan, niḥna nabashshir be Yasuuv ghufraan al xaṭaaya.

³⁹ Wa beehu kullu waaḥid al bi’aamin, yitbarrar min kullu shi gaanuun Muusa maa gidir yavmilu baarr.

⁴⁰ Aḥrasu, vashaan al gaalu fi_l anbiya maa biji leekum:

⁴¹ Shuufu, intu_l bishtimu, w_istaghrabu, wa muutu. Vashaan ana avmil vamal fi aiyaamkum, wa_l vamal da intu maa bitṣaddiguuhu ’in waaḥid xabbarkum beehu.”

⁴² Wa wakit Buulus wa Barnaaba kaanu yamrugu, an naas sa’aloohum ’an yakallimuuhum be_l kalaam da as sabit aj jaai.

⁴³ Wa bavd maa_n naas mashu min beet ar Rabb, katiiriin min al Yahuud wa_n naas al bixaafu Allaah, al giblu_d diin al Yahuudi, tibivu Buulus wa Barnaaba. Wa hum kallamoohum wa bashsharoohum vashaan yistamirru fi nivmat Allaah.

⁴⁴ Wa_s sabit al bavdu, kullu_l madiina tagriiban itlammu vashaan yasmavu kilmat Allaah.

⁴⁵ Wa lamma_l Yahuud shaafu naas kutaar, itmalu ḥasad, w _ibtadu yagaawimu_l gaalu Buulus, wa yajaddifu.

⁴⁶ Wa Buulus wa Barnaaba raddu valeehum be shujaava wa gaalu, “Kaan laazim nakallimkum be kilmat Allaah fi_l awwal. Wa laakin valashaan intu abeetuuha, wa ḥakamtu vala nufuuskum ’annakum maa mustaḥiggiin le_l ḥayaat al abadiyya, shuufu! nadawwir le_l umam.

⁴⁷ Vashaan ar Rabb amarna kida wa gaal, Vamaltak nuur le_l umam, vashaan tajiib xalaaṣ le aaxir ad dunya.”

⁴⁸ Wa lamma_l umam simivu da, firḥu wa majjadu kilmat ar Rabb. Wa kull al huwa ixtaarum le_l ḥayaat al abadiyya, aamanu.

⁴⁹ Wa kilmat ar Rabb mashat fi kullu_l bilaad.

⁵⁰ Wa laakin al Yahuud ḥarraku_n niswaan al bixaafu Allaah wa_l muḥtaramaat wa ru’asaa al madiina. Wa hum ḥarraku ḍiig vala Buulus wa Barnaaba wa ṭaradoohum min baladum.

⁵¹ Wa laakin hum hazzu_t turaab min kirveenum, wa jo le Iiguuniya.

⁵² Wa_t talaamiiz kaanu malyaaniin be_l faraḥ wa_r Ruuḥ al Gudus.