Avmaal 12 - Kitaab al Vahd aj Jadid 1978

AL MALAAK YAMARRIG BUṬRUS MIN AS SIJIN

¹ Wa fi_l wakit da, Hiiruudus al malik gabaḍ vala bavḍ an naas min al kaniisa vashaan yaṭrudum.

² Wa katal Yavkuub axu Yuuḥanna be_s seef.

³ Wa lamma shaaf da basaṭ al Yahuud, hu rajav wa gabaḍ vala Buṭrus kamaan. Wa da ḥaṣal fi aiyaam Viid al Faṭiir.

⁴ Wa bavd maa gabaḍ valeehu, xaṭṭaahu fi_s sijin, wa sallamu le arbava agsaam min al vasaakir vashaan yaḥrasuuhu. Wa Hiiruudus kaan vaawiz yajiibu le_n naas bavd Viid al Fiṣaḥ.

⁵ Wa Buṭrus kaan maḥruus fi_s sijin. Laakin naas al kaniisa kaanu biṣallu be guluub ḥaarra le Allaah fishaanu.

⁶ Wa lamma Hiiruudus garrab yajiibu le_l maḥkama, Buṭrus fi_l leela di kaan naayim been itneen vasaakir, marbuuṭ be janziireen. Wa_l ḥurraas kaanu giddaam al baab biḥrasu_s sijin.

⁷ Wa shuuf! malaak ar Rabb wagaf janbu, wa nuur nawwar fi_l maḥall. Wa hu ḍarab janb Buṭrus, wa gawwamu min an noom wa gaal, “Guum be_s surva!” Wa_j janziireen wagavu min iideehu.

⁸ Wa_l malaak gaal leehu, “Albas hiduumak wa jizamak.” Wa Buṭrus vamal kida. Wa_l malaak gaal leehu, “Albas kabuutak w _atbavni.”

⁹ Wa Buṭrus tibivu wa marag. Wa maa virif as sawwaahu_l malaak kaan al ḥagg laakin iftakar hu shaaf ru’ya.

¹⁰ Wa faatu be_l ghafiir al awwal wa_t taani, wa jo le baab al ḥadiid al bisuug le_l madiina. W_infataḥ leehum baraahu, wa hum maragu. Wa lamma faatu shaariv waaḥid, ṭawwaali al malaak masha minnu.

¹¹ Wa Buṭrus rajav le nafsu wa gaal, “Hassav virifta be ta’kiid, ar Rabb rassal malaaku wa xallaṣni min iid Hiiruudus wa min kullu shi al Yahuud kaanu yistannu vashaan yavmilu.”

¹² Wa lamma fihim da, ja le beet Maryam, umm Yuuḥanna_l ismu Markus, al fiihu katiiriin kaanu mitlammiin wa hum yaṣallu.

¹³ Wa lamma Buṭrus dagga_l baab al barraani, xaddaama isima Rawda jaat vashaan tasmav.

¹⁴ Wa lamma virfat ṣoot Buṭrus, maa fataḥat al baab min al faraḥ, laakin jarat le juwwa, wa xabbaratum Buṭrus waagif giddaam al baab.

¹⁵ Wa laakin gaalu leeha, “Inti majnuuna!” Laakin hiya kaanat ta’akkid da kaan al ḥagg. Valashaan kida gaalu, “Da malaaku.”

¹⁶ Laakin Buṭrus gaavid yadugg. Wa lamma fataḥu, shaafoohu w_istaghrabu.

¹⁷ Wa vamal valaama be iidu vashaan yaskutu. Wa kallamum keef ar Rabb marragu min as sijin. Wa gaal, “Xabbiru Yavkuub wa_l axwaan be_l ḥaajaat di.” Wa bavdeen marag wa masha le maḥall taani.

¹⁸ Wa lamma biga_n nahaar, kaan fih dawsha kabiira jiddan been al vasaakir wa hum gaalu, “Shinu ḥaṣal le Buṭrus?”

¹⁹ Wa bavd maa Hiiruudus fattash valeehu wa maa ligaahu, hu imtaḥan al ḥurraas wa amar ’an yaktuluuhum. Wa bavd da, Hiiruudus nazal min al Yahuudiyya le Geeṣariyya wa gavad hinaak.

²⁰ Wa Hiiruudus zivil min naas Ṣuur wa Ṣeedaa. Wa hum jo leehu be fikra waaḥda bavd maa vamalu _ṣ ṣadaaga mava Bilaastus, ra’iis saraayat al malik. Wa ṭalabu minnu_s salaam valashaan baladum kaanat taaxud al akil min balad al malik.

²¹ Wa fi_l yoom al mujahhaz, Hiiruudus libis hiduum al malik, wa gavad vala kursi_l malik wa kallamum.

²² Wa_n naas kooraku, “Aṣ ṣoot da ṣoot ilaah, maa ṣoot zool!”

²³ Wa ṭawwaali malaak ar Rabb ḍarabu, valashaanu maa adda_l majd le Allaah. Wa_d duud akalu, wa hu maat.

²⁴ Wa kilmat Allaah kaanat takbar wa taziid.

²⁵ Wa Barnaaba wa Shaawuul rajavu min Uurushaliim lamma tammamu_l xidma. Wa axadu mavaahum Yuuḥanna al ismu Markus.