Avmaal 11 - Kitaab al Vahd aj Jadid 1978

BUṬRUS YAFASSIR VAN XALAAṢ KARNIILIYUUS

¹ Wa_r rusul wa_l axwaan al kaanu fi_l Yahuudiyya simivu ’an al umam kamaan giblu kilmat Allaah.

² Wa lamma Buṭrus ṭalav le Uurushaliim, an naas al muṭahhariin shaakaloohu.

³ Wa gaalu, “Inta daxalta le rujaal maa muṭahhariin wa akalta mavaahum.”

⁴ Vashaan kida, Buṭrus ibtada yakallimum be kullu_l ḥaṣal be tartiib wa gaal,

⁵ “Kunta baṣalli fi madiinat Yaafa, wa shufta fi ru’ya ḥaaja tanzil min as sama zei milaaya kabiira marbuuṭa be arkaana al arbava, wa jaat leiya.

⁶ Wa vaayanta fiiha shadiid, wa shufta ḥayawaanaat al arḍ al vindahum arbava agdaam, wa_l wuḥuush, wa_d dabaayib, wa ṭuyuur as sama.

⁷ Wa bavd da, simivta ṣoot yaguul leiya, Guum, yaa Buṭrus, aḍbaḥ wa ukul.

⁸ Wa gulta, Abadan, yaa Rabb, valashaan maa daxal fi xashmi shi najis walla maa naḍiif be_l marra.

⁹ Wa _ṣ ṣoot itkallam taani marra min as sama, Ash shi an naḍḍafu Allaah maa taguul huwa najis.

¹⁰ Wa ḥaṣal kida talaata marraat. Wa bavd da kullu, rafavooha le_s sama.

¹¹ Wa shuuf! fi nafs al wakit, talaata rujaal wagafu giddaam al beet al ana kunta fiihu, wa hum murassaliin leiya min Geeṣariyya.

¹² Wa_r Ruuḥ gaal leiya, Amshi mavaahum biduun maa tashikk. Wa_s sitta axwaan deel mashu mavaai, wa daxalna beet ar raajil.

¹³ Wa hu xabbarna keef shaaf al malaak waagif fi beetu wa yaguul leehu, Rassil le Yaafa wa naadi Simvaan al ismu Buṭrus.

¹⁴ Wa hu bikallimak kalaam bitaxlaṣ beehu, inta wa kullu beetak.

¹⁵ Wa lamma ibtadeet atkallam, ar Ruuḥ al Gudus nazal valeehum zei maa nazal valeena fi_l bidaaya.

¹⁶ Wa itzakkarta kalaam ar Rabb lamma gaal, Yuuḥanna vammad be_l mooya, laakin intu bitvammadu be_r Ruuḥ al Gudus.

¹⁷ Iza kaan Allaah addaahum zaat al hadiyya_l addaana lamma aamanna be_r Rabb Yasuuv al Masiiḥ, ana minu ḥatta agdar awaggif Allaah?”

¹⁸ Wa lamma simivu da, sakatu wa majjadu Allaah wa gaalu, “Valashaan kida Allaah adda le_l umam kamaan at tooba le_l ḥayaat.”

AL KANIISA FI ANṬAAKIYA

¹⁹ Wa_l itshattatu be waasṭat at tavb al ḥaṣal be sabab Istifaanuus, saafaru le Finiigiya wa Gubrus wa Anṭaakiya. Wa hum maa bikallimu aiyi waaḥid be_l kilma illa_l Yahuud bass.

²⁰ Wa laakin bavḍ minnahum min Gubrus wa Geeriini, lamma daxalu Anṭaakiya, kaanu bikallimu naas Griigi kamaan, wa bibashshiruuhum be_r Rabb Yasuuv.

²¹ Wa iid ar Rabb kaanat mavaahum. Wa vadad kabiir min an naas aamanu wa rajavu le_r Rabb.

²² Wa lamma_l xabar da ja fi aḍaan al kaniisa al fi Uurushaliim, hum rassalu Barnaaba le Anṭaakiya.

²³ Wa lamma wiṣil wa shaaf nivmat Allaah, hu kaan farḥaan, wa bashshar kulluhum vashaan yakuunu saabtiin fi_r Rabb be kullu guluubum.

²⁴ Vashaan hu kaan raajil ṣaaliḥ, malyaan be_r Ruuḥ al Gudus wa be_l iimaan. Wa vadad kabiir min an naas itlammu le_r Rabb.

²⁵ Valashaan kida, Barnaaba masha le Ṭarsuus vashaan yaṭlub Shaawuul.

²⁶ Wa lamma ligaahu, jaabu le Anṭaakiya. Wa Barnaaba wa Shaawuul ijtamavu mava_l kaniisa sana waaḥda, wa vallamu naas kutaar. Wa sammu_t talaamiiz Masiiḥiyyiin awwal marra fi Anṭaakiya.

²⁷ Wa fi_l aiyaam deelaak, anbiya nazalu min Uurushaliim le Anṭaakiya.

²⁸ Wa gaam waaḥid minnahum ismu Aghaabuus, wa itnabba be_r Ruuḥ van juuv shadiid al bikuun fi kullu_d dunya. Wa daak ḥaṣal fi aiyaam Kuluudiyuus.

²⁹ Wa_t talaamiiz, kullu waaḥid minnahum ḥasab gudratu, jahhazu vashaan yarassilu ḥaaja musaavda le_l axwaan as saakniin fi_l Yahuudiyya.

³⁰ Wa vamalu kida, wa rassaloohu le_sh shuyuux be iideen Barnaaba wa Shaawuul.