Avmaal 10 - Kitaab al Vahd aj Jadid 1978

KARNIILIYUUS YANAADI BUṬRUS

¹ Wa kaan fi Geeṣariyya raajil ismu Karniiliyuus, ra’iis aj jeesh min al gism al ismu al Iiṭaaliyya.

² Wa hu kaan raajil ṣaaliḥ, wa huwa wa kullu beetu kaanu bixaafu Allaah, wa hu kaan biddi ṣadagaat katiira le_n naas, wa biṣalli fi kullu wakit.

³ Wa yoom min al aiyaam as saava talaata bavd aḍ ḍuhr tagriiban, hu shaaf, fi ru’ya baayina, malaak Allaah yadxul leehu wa yaguul leehu, “Yaa Karniiliyuus!”

⁴ Wa Karniiliyuus vaayan leehu, wa xaaf shadiid, wa gaal, “Daayir shinu, yaa Saiyid?” Wa_l malaak gaal leehu, “Ṣalawaatak wa ṣadagaatak ṭalavat tazkaar giddaam Allaah.

⁵ Wa hassav, rassil rujaal le Yaafa, wa jiib raajil ismu Simvaan al yasammuuhu Buṭrus.

⁶ Wa hu gaavid mava Simvaan ash shaghghaal fi_j juluud, wa beetu vind al baḥar.”

⁷ Wa bavd maa_l malaak al itkallam mavaahu marag, Karniiliyuus naada itneen min xaddaamiinu wa vaskari ṭaiyib min al kaanu yaxdimuuhu daaiman.

⁸ Wa xabbarum be kullu ḥaaja, wa rassalum le Yaafa.

RU’YA BUṬRUS

⁹ Wa fi_l yoom al bavdu, lamma hum kaanu fi_s sikka, wa garrabu min al madiina, Buṭrus ṭalav le_s sagif vashaan yaṣalli as saava iṭnaashar tagriiban.

¹⁰ Wa hu biga javaan wa kaan vaawiz yaakul. Wa lamma kaanu yaḥaḍḍiru leehu_l akil, hu shaaf ru’ya.

¹¹ Wa shaaf as sama maftuuḥa, wa ḥaaja zei milaaya kabiira tanzil le_l arḍ, marbuuṭa be arbava arkaan.

¹² Wa kaan fiiha min kullu_l ḥayawaanaat al vindahum arbava agdaam wa dabaayib al arḍ wa ṭuyuur as sama.

¹³ Wa shuuf! ṣoot gaal leehu, “Guum, yaa Buṭrus, aḍbaḥ wa ukul.”

¹⁴ Laakin Buṭrus gaal, “Abadan, yaa Rabb, ana maa akalta shi najis walla maa naḍiif be_l marra.”

¹⁵ Wa _ṣ ṣoot ja leehu taani marra, “Ash shi an naḍḍafu Allaah, maa taguul huwa najis.”

¹⁶ Wa ḥaṣal kadi talaata marraat, wa bavd da ṭawwaali rafavooha le_s sama.

¹⁷ Wa wakit maa Buṭrus kaan bifakkir fi nafsu van mavna_r ru’ya di ash shaafa, ahu! ar rujaal al Karniiliyuus rassalum wiṣlu. Wa hum sa’alu van beet Simvaan, wa wagafu giddaam al baab.

¹⁸ Wa naadu wa sa’alu iza kaan Simvaan al ismu Buṭrus gaavid hinaak.

¹⁹ Wa lamman Buṭrus kaan bifakkir fi_r ru’ya, ar Ruuḥ gaal leehu, “Shuuf, talaata rujaal yafattishu valeek.

²⁰ Valashaan kida guum, w_anzil, w_amshi mavaahum, wa maa tashikk, vashaan ana rassaltahum.”

²¹ Wa Buṭrus nazal le_r rujaal wa gaal, “Shuufu! ana huwa al intu taṭlubuuhu. Jiitu le shinu?”

²² Wa_r rujaal gaalu, “Jiina min Karniiliyuus, ra’iis aj jeesh. Hu raajil ṣaaliḥ wa yaxaaf Allaah. Wa kullu_l Yahuud bish‐hadu leehu. Wa malaak magaddas ja leehu, wa ḥazzaru ’an yanaadiik vashaan taji le beetu, wa hu yasmav kalaam minnak.”

²³ Wa valashaan kida, Buṭrus vazamum yadxulu_l beet wa yakuunu ḍuyuufu. Wa fi _ṣ ṣabaaḥ Buṭrus gaam wa marag mavaahum, wa bavḍ min al axwaan min Yaafa kamaan mashu mavaahu.

BUṬRUS FI BEET KARNIILIYUUS

²⁴ Wa fi_l yoom al bavdu, daxalu Geeṣariyya. Wa kaan Karniiliyuus bintaẓirum, wa naada agaariibu wa aṣ‐ḥaabu_l maxṣuuṣiin.

²⁵ Wa lamma Buṭrus daxal, Karniiliyuus gaabalu, wa rakav fi rijleehu, wa vabadu.

²⁶ Laakin Buṭrus rafavu wa gaal, “Guum, ana kamaan insaan.”

²⁷ Wa bavd da daxal, wa huwa yitkallam mavaahu, wa liga naas kutaar mitlammiin.

²⁸ Wa Buṭrus gaal leehum, “Intu bitavrifu keef maa fih izin le raajil Yahuudi yashtarik mava naas min balad taanya, walla yagarrib minnu. Laakin Allaah warraani ’an maa aguul van aiyi zool hu najis walla maa naḍiif.

²⁹ Valashaan kida, lamma rassalta leiya, jiit, wa maa vindi maaniv. Valashaan kadi, bas’alak le shinu rassalta leiya?”

³⁰ Wa Karniiliyuus gaal, “Min muddat arbavat aiyaam zei as saava di, kunta baṣalli as saava talaata bavd aḍ ḍuhr fi beeti. Wa shuuf! raajil fi hiduum laamiv wagaf giddaami.

³¹ Wa gaal leiya, Yaa Karniiliyuus, Allaah simiv ṣalawaatak wa itzakkar ṣadagaatak le_l masaakiin.

³² Valashaan kadi, rassil le Yaafa wa naadi Simvaan al ismu Buṭrus, wa hu gaavid fi beet Simvaan ash shaghghaal fi_j juluud jamb al baḥar.

³³ Wa ṭawwaali rassalta leek, wa inta vamalta kwaiyis vashaan jiit. Wa hassav niḥna kulluna mitlammiin hina giddaam Allaah, vashaan nasmav minnak kullu_l amarak beehu Allaah.”

³⁴ Wa Buṭrus fataḥ xashmu wa gaal, “Be_l ḥagg bashuuf ’an Allaah maa yagbal al wushuush.

³⁵ Laakin fi kullu umma, az zool al bixaaf minnu wa biyavmil al birr, hu magbuul vindu.

³⁶ Wa di_l kilma Allaah rassala le naas Israa’iil, wa bashshar be_s salaam be Yasuuv al Masiiḥ. Wa huwa Rabb al kull.

³⁷ Wa intu bitavrifu_l ḥaṣal fi kullu_l Yahuudiyya. Wa da ibtada fi_j Jaliil bavd maa Yuuḥanna bashshar be_l mavmuudiyya,

³⁸ keef Allaah masaḥ Yasuuv al min an Naaṣira be_r Ruuḥ al Gudus wa_l guwwa. Wa huwa kaan bimshi fi kullu maḥall wa biyavmil al xeer, wa bishfi kulluhum al kaanu tiḥit sulṭat Ibliis. Vashaan Allaah kaan mavaahu.

³⁹ Wa niḥna shaahidiin be kullu_l vamalu fi bilaad al Yahuudiyya wa fi Uurushaliim. Wa laakin hum kataloohu wa vallagoohu vala_sh shajara.

⁴⁰ Laakin Allaah gawwamu min been al meyyitiin fi_l yoom at taalit, wa warraahu le_n naas.

⁴¹ Wa mush kullu_n naas shaafoohu, laakin ash shaahidiin al muxtaariin min gubbaal, niḥna_l akalna wa shiribna mavaahu bavd giyaamatu min been al meyyitiin.

⁴² Wa hu amarna nabashshir an naas, wa nash‐had ’innu Allaah ixtaaru yakuun gaaḍi le_l ḥaiyiin wa_l meyyitiin.

⁴³ Wa kullu_l anbiya yash‐hadu leehu ’an kullu waaḥid al bi’aamin beehu bigbal b_ismu ghufraan al xaṭaaya.”

⁴⁴ Wa wakit Buṭrus kaan lissav yitkallam be_l kilmaat di, ar Ruuḥ al Gudus ja vala kullu_s simivu_l kilma.

⁴⁵ Wa kullu_l mi’aaminiin al muṭahhariin aj jo mava Buṭrus, istaghrabu vashaan Allaah adda le_n naas al maa kaanu Yahuud hadiyyat ar Ruuḥ al Gudus kamaan.

⁴⁶ Valashaan hum kaanu yasmavuuhum yitkallamu be lughaat, wa yamajjidu Allaah.

⁴⁷ Fi_l wakit da, Buṭrus gaal leehum, “Fih waaḥid al bigdar yamnav an naas deel min al mavmuudiyya be_l mooya? Vashaan hum giblu ar Ruuḥ al Gudus zeiyana.”

⁴⁸ Wa bavd da, amar ’an yitvammadu b_ism Yasuuv al Masiiḥ. Bavdeen hum sa’alu Buṭrus yistanna mavaahum aiyaam galiila.