Avmaal 1 - Kitaab al Vahd aj Jadid 1978

ṬULUUV YASUUV LE_S SAMA

¹ Fi_l kitaab al awwal, yaa Taawufiilus, katabta van kullu_l ibtada Yasuuv yasawwiihu wa yavallim beehu,

² lighaayat al yoom al axadoohu le_s sama. Wa gubbaal maa axadoohu le_s sama, hu amar be_r Ruuḥ al Gudus ar rusul al huwa ixtaarum.

³ Wa bavd tavbu, hu warra nafsu leehum wa adda leehum beiyinaat katiira al warraahum huwa ḥai. Wa hu kaan bibeyyin nafsu leehum muddat arbaviin yoom, wa bikallimum van ḥaajaat malakuut Allaah.

⁴ Wa wakit maa hu kaan yajtamiv mavaahum, adda leehum al amr da, “Maa tamrugu min Uurushaliim, laakin tistannu wavad al Abu as simivtuuhu minni.

⁵ Vashaan Yuuḥanna vammad be_l mooya, wa laakin intu bititvammadu be_r Ruuḥ bavd aiyaam galiila.”

⁶ Valashaan kida, lamman itlammu sawa, sa’aloohu wa gaalu, “Yaa Rabb, fi_l wakit da, inta bitrajjiv al mamlaka le Israa’iil?”

⁷ Hu gaal leehum, “Maa muhimm leekum vashaan tavrifu_z zaman wa_l wakit al Abu sabbatu be sulṭat nafsu.

⁸ Laakin intu bitagbalu guwwa lamma_r Ruuḥ al Gudus biji valeekum. Wa bitkuunu shaahidiin leiya fi Uurushaliim wa fi kullu_l Yahuudiyya wa_s Saamira lighaayat aaxir ad dunya.”

⁹ Wa bavd maa gaal kida, itrafav le foog wa wakit hum gaavidiin yashuufu, saḥaaba axadatu min vuyuunum.

¹⁰ Wa wakit maa hum kaanu bivaayinu le_s sama wa hu maashi foog, shuuf! raajleen wagafu gariib minnahum laabsiin abyaḍ.

¹¹ Wa gaalu, “Yaa rujaal aj Jaliil, maalkum waagfiin bitvaayinu le_s sama? Yasuuv da nafsu_l itrafav minnakum le_s sama, hu birjav zei maa shuftuuhu maashi le_s sama.”

IXTIYAAR MATIYYAAS BIDAAL YAHUUZA

¹² Bavd da, hum rajavu le Uurushaliim min aj jabal al ismu Jabal az Zeetuun, gariib min Uurushaliim, zei al masaafa az zool bimshi yoom as sabit.

¹³ Wa lamma daxalu_l madiina, ṭalavu le_l ooḍa_l fi foog, al kaanu bigvudu fiiha. Wa hum Buṭrus wa Yuuḥanna wa Yavkuub wa Andaraawus wa Fiilubbus wa Tuuma wa Bartuulamaawus wa Matta wa Yavkuub walad Ḥalfa wa Simvaan al Ghayuur wa Yahuuza walad Yavkuub.

¹⁴ Wa deel kulluhum kaanu bistamirru fi _ṣ ṣala be fikr waaḥid mava an niswaan wa Maryam umm Yasuuv wa mava axwaanu.

¹⁵ Wa fi_l aiyaam deelaak gaam Buṭrus fi wasiṭ al axwaan. Wa_l vadad bitaavum kulluhum kaan miyya wa vishriin zool tagriiban.

¹⁶ Wa hu gaal leehum, “Yaa axwaan, kaan laazim yatimm al maktuub min zamaan be_r Ruuḥ al Gudus be xashm Daawuud van Yahuuza al gaad an naas deel al masaku Yasuuv.

¹⁷ Vashaan hu kaan waaḥid minnana, wa kaan vindu sharika fi_l xidma di.”

¹⁸ Ar raajil da ishtara ḥittat arḍ min ujrat xaṭiyyatu, wa hinaak wagav vala raasu wa jismu itshaggag min al wasiṭ wa baṭanu kullu iddafag.

¹⁹ Wa daak biga mavruuf vind kullu_n naas al gaavidiin fi Uurushaliim. Valashaan kida al maḥall daak naadoohu be lughatum, “Ḥagal Dama”, yavni Ziraavat ad Damm.

²⁰ Vashaan maktuub fi Kitaab al Mazaamiir, Xalli beetu yakuun xarbaan, wa maa taxalli waaḥid yaskun fiihu. Wa, Xalli taani yaaxud maḥallu.

²¹ “Valashaan kida, muhimm leena naxtaar waaḥid min ar rujaal al kaanu mavaana kullu_l wakit lamma_r Rabb Yasuuv daxal wa marag fi wasiṭna,

²² min mavmuudiyyat Yuuḥanna le_l yoom al fiihu axadoohu minnana. Valashaan waaḥid minnahum laazim bikuun shaahid mavaana be giyaamtu.”

²³ Wa gaddamu leehum itneen, Yuusuf al ismu Baarsaaba Yuustus, wa Matiyyaas.

²⁴ Wa ṣallu wa gaalu, “Yaa Rabb al bivrif guluub an naas kullu, warriina yaatu min al itneen deel al inta ixtaartu

²⁵ valashaan yaaxud al makaan fi_l xidma di wa shughl ar risaala, al Yahuuza xallaaha wa masha le_l maḥall bitaavu.”

²⁶ Wa fi_l wakit da, ramu_l gurva beenum wa wagavat al gurva vala Matiyyaas. Valashaan kida, ḥasaboohu mava_l ḥidaashar rasuul.