2 Timutaawus 2 - Kitaab al Vahd aj Jadid 1978

AL VASKARI AL AMIIN

¹ Valashaan kida, yaa waladi, itshaddad fi_n nivma al fi Yasuuv al Masiiḥ.

² Wa_l ḥaajaat as simivta minni giddaam shaahidiin kutaar, sallima le rujaal umana al bigdaru yavallimu_t taanyiin kamaan.

³ Ishtarik fi ḥimil at tavb zei vaskari kwaiyis le_l Masiiḥ Yasuuv.

⁴ Maa fih waaḥid al yaḥaarib al bikuun marbuuṭ le ḥaajaat al ḥayaat di. Hu vaawiz yabsiṭ ad daxxalu le_l xidma_l vaskariyya.

⁵ Wa kida kamaan, aiyi waaḥid al yajri fi sabag, maa yaaxud at taaj iza maa yajri ḥasab al gaanuun.

⁶ Al muzaariv al bitvab laazim yakuun al awwal le yaaxud juz fi_t tamar.

⁷ Fakkir fi_l biguul, wa_r Rabb yaddiik fahm fi kullu ḥaaja.

⁸ Itzakkar Yasuuv al Masiiḥ al gaam min been al meyyitiin, min ahl Daawuud, ḥasab injiili.

⁹ Wa fishaannu ana batḥammal at tavb ḥatta aj janaaziir zei muznib. Laakin kilmat Allaah maa marbuuṭa.

¹⁰ Valashaan kida, ana aṣbur vala kullu ḥaaja fishaan al muxtaariin, vashaan hum kamaan yilgu_l xalaaṣ al fi_l Masiiḥ Yasuuv mava_l majd al abadi.

¹¹ Al kilma di amiina: “Iza mutna mavaahu, binviish mavaahu kamaan.

¹² Iza naṣbur, binamlik mavaahu kamaan. Wa iza nankuru, huwa biyankurna kamaan.

¹³ Wa iza niḥna mush umana, huwa yistamirr amiin, valashaan hu maa bigdar yankur nafsu.”

ASH SHAGHGHAAL AL MAGBUUL

¹⁴ Zakkirum be_l ḥaajaat di, wa ḥazzirum giddaam ar Rabb ’an maa tashaakilu van kilmaat al maa fiiha faaida. Valashaan da yaxarrib deel al bismavu.

¹⁵ Avmil al aḥsan vashaan tagaddim nafsak magbuul le Allaah, shaghghaal al maa laazim yaxjal, wa_l bivallim kilmat al ḥagg be ṭariig tamaam.

¹⁶ Laakin kuun baviid min al kalaam al faaḍya al wasxaana, vashaan an naas al bitkallamu kida biziidu aktar fi_sh sharr.

¹⁷ Wa tavliimum bifartik zei al ḥaaja al bitaakul gawaam. Wa beenum Himinaayus wa Fiiliitus.

¹⁸ Wa hum ḍallu van al ḥagg. Hum biguulu al giyaama faatat min gubbaal. Wa hum yaglibu iimaan bavḍ min an naas.

¹⁹ Wa laakin asaas Allaah as saabit yaguum, wa foogu_l xitim da: “Ar Rabb biyavrif an naas bitaavu,” wa, “Kullu waaḥid al bivtarif b_ism ar Rabb laazim yakuun baviid min al xaṭiyya.”

²⁰ Wa fi beet kabiir, al buraam maa bikuunu min dahab wa fiḍḍa bass, laakin xashab wa ṭiin kamaan. Wa bavḍ minnahum bikuunu le_l iḥtiraam wa bavḍ minnahum bikuunu biduun iḥtiraam.

²¹ Wa iza aiyi waaḥid yanaḍḍif nafsu min di, huwa bikuun burma le_l iḥtiraam, magaddas, wa fiihu faaida le_s Saiyid, wa jaahiz le kullu vamal ṭaiyib.

²² Ajri min ash shahwaat bitaavat ash shabaab, wa amshi wara_l birr wa_l iimaan wa_l maḥabba wa_s salaam mava an naas al binaadu be_r Rabb min galib naḍiif.

²³ Arfuḍ al as’ila al ghashiima wa_l baliida, vashaan inta bitavrif hum bijiibu_sh shaklaat.

²⁴ Wa xaddaam ar Rabb maa laazim yashaakil, laakin yakuun laṭiif mava kullu zool, wa bigdar yavallim be_ṣ ṣabr.

²⁵ Wa_l bivaakisuuhu, yavallimum be ṭariig laṭiif vashaan yimkin Allaah biddiihum at tooba le mavrifat al ḥagg.

²⁶ Wa hum birjavu le nufuusum wa yahrubu min faxx Ibliis, al gabaḍ valeehum le yavmilu iraadatu.