2 Kuurintuus 9 - Kitaab al Vahd aj Jadid 1978

¹ Wa be xuṣuuṣ al xidma le_l giddiisiin, maa fih iḥtiyaaj aktib leekum.

² Vashaan ana bavrif ghiiratkum, wa ana shakkarta nufuuskum le naas Makiduuniyya wa gulta leehum, “Naas Axaaya kaanu jaahiziin min as sana_l faatat.” Wa ghiiratkum ḥarrakat al aktar minnahum.

³ Wa rassalta_l axwaan valashaan faxrana fiikum maa bikuun biduun faaida, wa vashaan intu bitkuunu jaahiziin zei maa gulta vankum.

⁴ Valashaan iza naas min Makiduuniyya jo mavaai wa ligookum maa jaahiziin, niḥna binkuun xajlaaniin valashaan at ta’kiid da. Wa ana maa baguul intu kamaan bitkuunu xajlaaniin.

⁵ Valashaan kida, iftakarta min al muhimm aṭlub min al axwaan vashaan yamshu giddaamna, wa yavmilu_t tartiib min gubbaal. Wa kida hadiyyatkum, al gultu be_l ḥagg intu tadduuha, bitkuun jaahza zei baraka, wa mush min aṭ ṭamav.

AL BIZRAV BE_L BARAKAAT

⁶ Laakin baguul da, al bizrav galiil, bilimm galiil. Wa_l bizrav be_l barakaat, bilimm be_l barakaat kamaan.

⁷ Wa xalli kullu waaḥid yaddi zei maa ixtaar fi galbu, mush be ḥuzn walla vashaan hu laazim yaddi, vashaan Allaah biḥibb al biddi be faraḥ.

⁸ Wa Allaah bigdar yaziid leekum kullu nivma, lighaayat maa yakuun leekum kifaaya fi kullu ḥaaja wa fi kullu wakit, valashaan taziidu fi kullu vamal ṭaiyib.

⁹ Zei maa maktuub, “Hu fartak, wa adda le_l masaakiin. Wa birru yistanna le_l abad.”

¹⁰ Wa_l bigaddim teeraab le_l muzaariv wa veesh le_l akil, hu bigaddim wa bikattir teeraabkum wa biziid tamar birrakum.

¹¹ Wa bitkuunu ghaniyyiin fi kullu ḥaaja valashaan tagdaru taddu hadaaya kariima. Wa da yavmil be waasiṭna ash shukr le Allaah.

¹² Wa vamal al xidma di maa yamla iḥtiyaaj al giddiisiin bass, laakin yaziid fi shukr katiir le Allaah.

¹³ Wa valashaan intu beyyantu nufuuskum be_l xidma di, naas kutaar bishkuru Allaah valashaan ṭaavatkum wa shahaadatkum le injiil al Masiiḥ, wa valashaan al hadiyya_l kabiira al gassamtuuha leehum wa le_l kull.

¹⁴ Wa hum biḥibbuukum lamma yaṣallu fishaankum, valashaan Allaah addaakum an nivma di al vaẓiima jiddan.

¹⁵ Wa shukran le Allaah vala hadiyyatu al maa nagdar nitkallam vanna.