2 Kuurintuus 5 - Kitaab al Vahd aj Jadid 1978

MASKANNA FI__s SAMA

¹ Vashaan binavrif iza beet xeematna_l min al arḍ yaxsar, vindana buna min Allaah, beet abadi fi_s sama, maa mavmuul be iid.

² Wa hassav niḥna ḥaznaaniin, wa naḥibb nalbas foogna beetna al min as sama.

³ Wa iza libisnaahu, maa yalguuna varyaaniin.

⁴ Wa wakit maa niḥna fi_l xeema di, nitnaffas zei maa nashiil ḥimil tagiil. Valashaan maa vaawziin naglav ajsaamna, laakin nalbas fooga, valashaan ajsaamna_l bimuutu yitghayyaru le ajsaam maa bimuutu abadan.

⁵ Wa_l vamalna le_l ḥaaja di zaata, huwa Allaah, al addaana kamaan varbuun ar Ruuḥ.

⁶ Valashaan kida niḥna daaiman malyaaniin be shujaava, wa binavrif maa daam niḥna fi beetna fi_j jism hina, niḥna baviidiin min beet ar Rabb al fi_s sama.

⁷ Vashaan binviish be_l iimaan, mush be_n nashuufu be_l vuyuun.

⁸ Valashaan kida vindana shujaava kullu wakit, wa naftakir aḥsan nasiib beetna fi_j jism wa namshi nakuun mava ar Rabb fi beetu.

⁹ Valashaan kida foog kullu shi, niḥna vaawziin nabsiṭu iza nistanna fi beetna hina walla namshi nakuun mava_r Rabb.

¹⁰ Vashaan kulluna laazim naẓhar giddaam kursi_l Masiiḥ, vashaan kullu waaḥid yagbal zei maa hu vamal be_j jism, iza kaan kwaiyis walla baṭṭaal.

XIDMAT AL MUṢAALAḤA

¹¹ Wa maa daam binavrif xoof ar Rabb, najarrib ’an narbaḥ an naas. Wa niḥna baayiniin le Allaah, wa vindi rajaa bigiina baayiniin fi ḍamiirkum kamaan.

¹² Vashaan maa naḥmad nufuusna giddaamkum, laakin naddiikum furṣa vashaan tashkuru nufuusna, vashaan yakuun vindakum jawaab le_n naas al bishkuru ḥaalat al insaan wa mush galbu.

¹³ Wa iza niḥna majnuuniin, da le Allaah. Wa iza faahmiin, da leekum.

¹⁴ Vashaan maḥabbat al Masiiḥ vindaha guwwa foogna ḥatta binaḥsib da, ’innu waaḥid maat van kull an naas. Wa valashaan kadi kulluhum maatu.

¹⁵ Wa huwa maat van kull an naas, vashaan al ḥaaiyiin maa biviishu bavd da le nufuusum, laakin leehu al maat vannum wa gaam.

¹⁶ Vashaan kida, min hassav maa binavrif waaḥid be ḥasab aj jism. Wa iza virifna_l Masiiḥ ḥasab aj jism, hassav maa binavrifu kadi.

¹⁷ Valashaan kida, iza waaḥid fi_l Masiiḥ, huwa xaliiga jadiida. Wa_l ḥaajaat al gadiima faatat. Wa shuuf! al kull biga jadiid.

¹⁸ Wa kullu da min Allaah aṣ ṣaalaḥna le nafsu be_l Masiiḥ, wa addaana xidmat al muṣaalaḥa.

¹⁹ Yavni Allaah kaan yaṣaaliḥ ad dunya le nafsu fi_l Masiiḥ. Wa maa yaḥsib leehum xaṭaayaahum. Wa xaṭṭa fiina kilmat al muṣaalaḥa.

²⁰ Valashaan kida niḥna sufaraa al Masiiḥ zei maa Allaah yaṭlub beena, niḥna naṭlub minnakum fishaan al Masiiḥ, avmilu salaam mava Allaah.

²¹ Al Masiiḥ maa vamal al xaṭiyya, laakin Allaah xaṭṭa xaṭaayaana valeehu. Wa valashaan kida niḥna nabga baarriin giddaam Allaah fi_l Masiiḥ.