2 Kuurintuus 4 - Kitaab al Vahd aj Jadid 1978

KANZ FI BURMA MIN ṬIIN

¹ Wa valashaan Allaah addaana_l xidma di be raḥmatu, maa naguul maa fih faaida.

² Laakin niḥna abeena navmil aiya ḥaaja be_s sirr walla al fiihu veeb. Maa naghishsh walla naghayyir kilmat Allaah. Be_l vaks nebeyyin al ḥagg, wa naḥmad nufuusna giddaam ḍamiir an naas wa giddaam Allaah.

³ Wa iza injiilna maghaṭṭa, hu maghaṭta le_l bihliku.

⁴ Wa ilaah az zaman da vamal afkaar al maa mi’aaminiin vamyaaniin, valashaan maa bigdaru yashuufu nuur injiil majd al Masiiḥ al huwa ṣuurat Allaah.

⁵ Vashaan maa nabashshir be nufuusna, laakin be Yasuuv al Masiiḥ ar Rabb. Wa niḥna xaddaamiin leekum vashaan xaaṭir Yasuuv.

⁶ Vashaan Allaah gaal, “Xalli nuur yanawwir min aḍ ḍulumma.” Wa huwa nawwar fi guluubna nuur mavrifat majd Allaah fi washsh Yasuuv al Masiiḥ.

⁷ Laakin vindana al kanz da fi burma mavmuula min ṭiin, valashaan yawarri al guwwa_l vaẓiima jiddan di min Allaah, mush minnana.

⁸ Ad dunya ḍaayiga giddaamna min kullu jamb, laakin da maa yawaggifna. Maa binavrif navmil shinu, laakin niḥna mush biduun rajaa.

⁹ Yaṭruduuna, laakin maa yasiibuuna baraana. Yawaggivuuna, laakin maa namuut.

¹⁰ Wa binshiil daaiman fi_j jism, moot Yasuuv, valashaan nawarri ḥayaat Yasuuv kamaan fi jisimna.

¹¹ Vashaan niḥna_l ḥaiyiin, yasallimuuna kullu wakit le_l moot vashaan xaaṭir Yasuuv, vashaan yashuufu ḥayaat Yasuuv kamaan fi jisimna_l bimuut.

¹² Valashaan kida al moot bishtaghil fiina, laakin al ḥayaat fiikum.

¹³ Wa vindana ruuḥ al iimaan zaatu zei maa maktuub, “Aamanta, valashaan kida itkallamta.” Wa niḥna kamaan bin’aamin, wa valashaan kida binitkallam.

¹⁴ Wa binavrif huwa al gawwam ar Rabb Yasuuv min been al meyyitiin, bigawwimna niḥna kamaan mava Yasuuv, wa bijiibna giddaamu mavaakum.

¹⁵ Wa da kullu vashaan faaidatkum, ḥatta an nivma bitziid aktar wa aktar le katiiriin, wa_sh shukr biziid le majd Allaah.

¹⁶ Valashaan kida maa naguul maa fih faaida. Laakin iza kaan jisimna yabga ḍaviif, nafsana al fih juwwa bitabga jadiida yoom be yoom.

¹⁷ Vashaan aḍ ḍiig al xafiif bitaav al wakit da, yavmil leena majd abadiyya biziid aktar wa aktar fi_l wazan.

¹⁸ Valashaan kida maa navaayin le_l ḥaajaat an nagdar nashuufa, laakin le_l maa nashuufa. Valashaan al ḥaajaat al binshuufa, le hassav bass. Laakin al ḥaajaat al maa binshuufa, le_l abad.