2 Kuurintuus 3 - Kitaab al Vahd aj Jadid 1978

¹ Niḥna nabtadi naḥmad nufuusna taani marra? Walla zei bavḍ an naas naḥtaaj le jawaabaat al ḥamd leekum walla minnakum?

² Intu nufuuskum jawaabaatna maktuuba fi guluubna. Wa kullu_n naas biyavrifuuha wa bigruuha.

³ Intu bitwarru ’innakum jawaab min al Masiiḥ murassal minnana, maa maktuuba be ḥibir, laakin be Ruuḥ Allaah al Ḥai. Wa mush maktuuba fi alwaaḥ min ḥajar, laakin fi alwaaḥ, wa hum guluub an naas.

⁴ Wa vindana ta’kiid zei da be_l Masiiḥ giddaam Allaah.

⁵ Niḥna mush kifaaya min nufuusna vashaan naftakir aiyi shi min nufuusna. Laakin vindana gudra min Allaah.

⁶ Wa huwa addaana guwwa vashaan nakuun xaddaamiin ittifaag jadiid. Wa da mush be_l gaanuun al maktuub, laakin be_r Ruuḥ. Vashaan al gaanuun al maktuub bijiib al moot, laakin ar Ruuḥ biddi ḥayaat.

MAJD AL ITTIFAAG AJ JADIID

⁷ Al xidma al bitjiib al moot kaanat maktuuba be ḥuruuf fi ḥajar, wa jaat be majd ḥatta naas Israa’iil maa gidru yavaayinu fi washsh Muusa vashaan al majd da. Wa_l majd da kaan bifuut.

⁸ Keef be_l aktar xidmat ar Ruuḥ maa biziid fi_l majd?

⁹ Iza kaan al xidma_l bitaḥkum vala_n naas jaat be majd, al xidma_l bitjiib al birr bitkuun leeha majd ziyaada be katiir.

¹⁰ Vashaan al xidma aj jaat be majd, maa vindaha majd hassav lamma nafakkir fi_l majd al bikuun foog al kull.

¹¹ Wa iza kaan al bifuut da ja be majd, al bistamirr vindu majd akbar be katiir.

¹² Wa iza vindana rajaa zei da, vindana shujaava katiira.

¹³ Wa niḥna mush zei Muusa al kaan bighaṭṭi washshu valashaan naas Israa’iil maa yavaayinu le aaxir al majd al bifuut.

¹⁴ Laakin afkaarum bigu magfuuliin, valashaan zaat al ghaṭa bighaṭṭi wushuushum lighaayat al yoom da, lamma biyagru_l ittifaag al gadiim. Wa maa shaaloohu minnahum vashaan fi_l Masiiḥ yashiiluuhu.

¹⁵ Laakin lighaayat al yoom da, lamma biyagru min kitaab Muusa, al ghaṭa bighaṭṭi guluubum.

¹⁶ Laakin lamma aiyi waaḥid yarjav le_r Rabb, yashiilu minnu_l ghaṭa.

¹⁷ Wa_r Rabb huwa_r Ruuḥ, wa_l maḥall al fiihu Ruuḥ ar Rabb, hinaak fih al ḥurriyya.

¹⁸ Wa niḥna kulluna be washsh biduun ghaṭa, binshuuf majd ar Rabb, zei fi_l miraaya. Wa nitghayyar le ṣuuratu min majd le majd. Wa_l majd da huwa vamal min ar Rabb ar Ruuḥ.