2 Kuurintuus 13 - Kitaab al Vahd aj Jadid 1978

AL ḤAZR AL AXIIR

¹ Di al marra_t taalta aji leekum. Kullu kilma be xashm shaahideen walla talaata takuun saabita.

² Ana gubbaal da ḥazzarta deel al kaanu biyavmilu xaṭiyya lamma kunta mavaakum. Wa taani marra wa ana mush mavaakum baḥazzirum wa baḥazzir kull at taanyiin kamaan. Wa lamma barjav leekum, ana maa barḥam deel al biyavmilu xaṭiyya.

³ Vashaan intu taṭlubu beyyina ’innu_l Masiiḥ bitkallam fiyya. Wa huwa maa ḍaviif fi vamalu mavaakum, laakin huwa gawwi fiikum.

⁴ Wa be_l ḥagg huwa inṣalab fi ḍuvf, laakin hu biviish be guwwat Allaah. Wa niḥna kamaan ḍaviifiin fiihu, wa laakin niḥna binviish mavaahu be gudrat Allaah vashaan naxdimkum.

⁵ Avmilu imtiḥaan le nufuuskum. Intu vindakum iimaan? Jarribu nufuuskum. Maa bitavrifu Yasuuv al Masiiḥ fiikum? Illa iza wagavtu fi_l imtiḥaan.

⁶ Ana vindi rajaa intu bitavrifu niḥna maa wagavna fi_l imtiḥaan.

⁷ Wa niḥna naṣalli le Allaah vashaan intu maa tavmilu ḥaaja baṭṭaala. Wa da maa vashaan an naas bishuufu niḥna marreena be_l imtiḥaan. Laakin da vashaankum tavmilu kwaiyis, wa law niḥna bigiina zei al wagavu fi_l imtiḥaan.

⁸ Vashaan niḥna maa nagdar navmil ḥaaja ḍidd al ḥagg, laakin fishaan al ḥagg.

⁹ Vashaan niḥna mabsuuṭiin kullu wakit lamma nakuun ḍaviifiin wa intu takuunu gawwiyyiin. Wa naṣalli kamaan vashaan intu takuunu kaamiliin.

¹⁰ Valashaan kida baktib da wa ana maa mavaakum, vashaan lamma baji, maa laazim akuun shadiid be ḥasab as sulṭa al addaaha leiya ar Rabb. Wa huwa addaani_s sulṭa di vashaan abniikum, mush vashaan axarribkum.

¹¹ Wa fi_l axiir, yaa axwaan, kuunu mabsuuṭiin. Kuunu kaamiliin, kuunu shujaavaan, fakkiru fikra waaḥda, viishu fi_s salaam. Wa Ilaah al maḥabba wa_s salaam yakuun mavaakum.

¹² Sallimu bavḍakum le bavḍ be salaam magaddas.

¹³ Kullu_l giddiisiin yasallimu valeekum.

¹⁴ Nivmat Rabbana Yasuuv al Masiiḥ wa maḥabbat Allaah wa sharikat ar Ruuḥ al Gudus yakuun mava kullukum.