1 Yuuḥanna 1 - Kitaab al Vahd aj Jadid 1978

KILMAT AL ḤAYAAT WA_N NUUR

¹ Naxabbirkum be kilmat al ḥayaat. Wa_l kilma kaan min al bidaaya. Wa niḥna simivnaahu wa shufnaahu be vuyuunna, wa vaayanna leehu wa iideena limsatu.

² Wa_l ḥayaat ẓaharat, wa shufnaaha, wa nash‐had leeha. Wa naxabbirkum b_l ḥayaat al abadiyya al kaanat mava al Abu wa ẓaharat leena.

³ Wa naxabbirkum be_sh shufnaahu wa simivnaahu, valashaan takuun leekum kamaan sharika mavaana. Wa sharikatna hiya mava al Abu wa mava Ibnu Yasuuv al Masiiḥ.

⁴ Wa naktib leekum da vashaan faraḥna yakuun kaamil.

⁵ Wa da huwa_l xabar as simivnaahu minnu wa naxabbirkum beehu, ’an Allaah nuur, wa maa fiihu ḍulumma abadan.

⁶ Iza naguul, “Vindana sharika mavaahu,” wa namshi fi_ḍ ḍulumma, nakaḍḍib, wa maa binavmil al ḥagg.

⁷ Wa laakin iza namshi fi_n nuur zei maa huwa fi_n nuur, vindana sharika bavḍana mava bavḍ. Wa damm Yasuuv Ibnu yanaḍḍifna min kullu xaṭiyya.

⁸ Iza naguul, “Maa vindana xaṭiyya,” naghishsh nufuusna, wa_l ḥagg maa fiina.

⁹ Iza navtarif be xaṭaayaana, huwa amiin wa vaadil, wa yaghfir leena xaṭaayaana wa yanaḍḍifna min kullu sharr.

¹⁰ Wa iza naguul, “Maa vamalna xaṭiyya,” navmilu kaḍḍaab, wa kilmatu maa fiina.