1 Tasaluniiki 2 - Kitaab al Vahd aj Jadid 1978

XIDMAT BUULUS FI TASALUUNIIKI

¹ Vashaan intu nufuuskum bitavrifu, yaa axwaan, ’an ziyaaratna maa kaanat biduun faaida.

² Wa tivibna gabla kida, wa shatamoona fi Fiilibbi, zei maa intu vaarfiin. Laakin shajjavna fi Ilaahna ’an nakallimkum be injiil Allaah, wa law hum gaawamoona shadiid.

³ Addeenaakum ash shujaava, wa da maa ja min ghalaṭ, walla min fikr wasxaan, walla be ghishsh.

⁴ Wa laakin zei maa Allaah kaan mabsuuṭ minnana, wa addeena mas’uuliyyat al injiil, kida nitkallam. Wa binavmil da, maa vashaan nabsiṭ an naas, laakin vashaan nabsiṭ Allaah al yajarrib guluubna.

⁵ Wa zei maa tavrifu, maa shakarnaakum be_l kiḍb abadan, walla be_l kalaam al yadiss aṭ ṭamav. Allaah shaahid.

⁶ Wa lamma kaan mumkin leena naaxud sulṭat rusul al Masiiḥ, maa ṭalabna shukr min an naas, walla minnakum walla min at taanyiin.

⁷ Wa laakin kunna luṭaaf fi wasiṭkum zei umm tarabbi awlaada.

⁸ Kida, vashaan maḥabbatna leekum, kunna raḍyaaniin naddiikum mush injiil Allaah bass, wa laakin nufuusna kamaan, vashaankum bigiitu maḥbuubiin leena.

⁹ Wa intu titzakkaru, yaa axwaan, ash shughl bitaavna wa_t tavb. Ishtaghalna be_l leel wa be_n nahaar vashaan maa nakuun ḥimil vala aiyi waaḥid minnakum wakit maa bashsharna be injiil Allaah.

¹⁰ Intu shaahidiin wa Allaah kamaan, keef masheena be gadaasa wa be birr wa biduun loom beenkum intu_l mi’aaminiin.

¹¹ Vashaan tavrifu keef kunna navazzi kullu waaḥid minnakum, zei abu le awlaadu, wa kunna nashajjivkum,

¹² wa kunna nawarriikum keef taviishu_l ḥayaat al mustaḥigga le Allaah, wa huwa al yanaadiikum le malakuutu wa majdu.

¹³ Wa niḥna kamaan nashkur Allaah daaiman le_s sabab da. Lamma axadtu kilmat Allaah as simivtu minnana, gibiltuuha mush zei kilmat an naas, laakin zei maa hiya be_l ḥagiiga, kilmat Allaah. Wa_l kilma di tashtaghil fiikum, intu_l mi’aaminiin kamaan.

¹⁴ Valashaan intu, yaa axwaan, bigiitu zei kanaayis Allaah al fi_l Yahuudiyya al fi_l Masiiḥ Yasuuv. Vashaan itḥammaltu nafs al ḥaajaat min naas baladkum zei maa hum itḥammalu min al Yahuud.

¹⁵ Al katalu_r Rabb Yasuuv wa_l anbiya kamaan, wa ṭaradoona niḥna. Wa hum maa yabsiṭu Allaah, wa yagaawimu kull an naas.

¹⁶ Wa yamnavuuna nakallim al umam vashaan bikuunu muxallaṣiin, vashaan yakammilu xaṭaayaahum kullu wakit. Wa laakin ghaḍab Allaah ja valeehum biduun nihaaya.

BUULUS YAḤIBB YAZUURUM

¹⁷ Wa laakin yaa axwaan, lamma kunna baviidiin minnakum le wakit giṣaiyir, be_l washsh, mush be_l galb, jarrabna aktar be maḥabba katiira ’an nashuufkum washsh le washsh.

¹⁸ Vashaan kunna vaawziin naji leekum — ana, Buulus, marra wa marra taanya — wa laakin ash Sheeṭaan manavna.

¹⁹ Wa rajaana shinu? wa faraḥna wa taaj faxrina? Mush intu? giddaam Rabbana Yasuuv lamma yaji?

²⁰ Vashaan intu nufuuskum majdana wa faraḥna.