1 Tasaluniiki 1 - Kitaab al Vahd aj Jadid 1978

¹ Min Buulus wa Silwaanus wa Timutaawus le kaniisat ahl Tasaluniiki fi Allaah al Abu, wa_r Rabb Yasuuv al Masiiḥ. Nivma leekum wa salaam.

ASH SHUKR LE IIMAAN AHL TASALUUNIIKI

² Nashkur Allaah kullu wakit le kullukum, lamma nitkallam vankum fi ṣalawaatna,

³ wa daaiman nitzakkar vamal iimaankum wa tavb maḥabbatkum wa ṣabr rajaa’kum fi Rabbana Yasuuv al Masiiḥ giddaam Allaah Abuuna.

⁴ Yaa axwaan al maḥbuubiin min Allaah, binavrif ’in Allaah ixtaarkum.

⁵ Vashaan injiilna maa ja leekum be_l kalaam bass, wa laakin be_l guwwa kamaan, wa be_r Ruuḥ al Gudus wa be ta’kiid shadiid. Bitavrifu keef masheena beenkum fishaankum.

⁶ Wa intu vamaltu zeiyana wa zei ar Rabb, vashaan gibiltu_l kilma fi ḍiig katiir, be faraḥ ar Ruuḥ al Gudus.

⁷ Vashaan kida bigiitu masal le kull al mi’aaminiin fi Makiduuniyya wa fi Axaaya.

⁸ Valashaan intu xabbartu be kilmat ar Rabb, mush fi Makiduuniyya wa Axaaya bass, wa laakin iimaankum be Allaah masha le kullu makaan. Vashaan kida maa ḍaruuri naguul aiyi shi.

⁹ Valashaan hum nufuusum yaxabbiru keef gibiltuuna, wa keef rajavtu le Allaah min al aṣnaam vashaan taxdimu Allaah al ḥai al ḥagiigi.

¹⁰ wa yaxabbiru keef intu tistannu Ibnu min as sama, huwa al gawwamu Allaah min al moot, Yasuuv al yaxalliṣna min al ghadab aj jaai.