1 Kuurintuus 9 - Kitaab al Vahd aj Jadid 1978

SULṬAAT AR RASUUL

¹ Ana maa ḥurr? Ana maa rasuul? Maa shufta Yasuuv Rabbana? Intu maa vamali fi_r Rabb?

² Iza ana maa rasuul le_t taanyiin, vala_l agall ana rasuul leekum. Vashaankum intu xitim risaalti fi_r Rabb.

³ Da huwa raddi giddaam al yamtaḥinuuni.

⁴ Maa vindana sulṭa vashaan naakul wa nashrab?

⁵ Maa vindana sulṭa ’an naaxud mavaana mara mi’aamina? zei baagi_r rusul wa axwaan ar Rabb wa Buṭrus?

⁶ Walla ana wa Barnaaba bass maa vindana sulṭa vashaan maa nashtaghil?

⁷ Minu yadxul al xidma al vaskariyya be_l maṣaariif ḥaggu? Minu yazrav jineent al vinab wa maa yaakul min tamaru? Walla minu yaḥras ghanam wa maa yaakul min laban al ghanam?

⁸ Batkallam be da zei zool? Al gaanuun maa yaguul da kamaan?

⁹ Vashaan maktuub fi gaanuun Muusa, “Maa tarbuṭ xashm at toor wa hu yaduus ad dura.” Allaah yahtamm be_t teeraan?

¹⁰ Huwa maa yaguul be_t tamaam fishaanna? Aiwa, vashaan xaaṭirna hu maktuub. Al muzaariv laazim yaḥfar vala rajaa, wa_l yaduus ad dura vala rajaa vashaan yakuun shariik fi_t tamar.

¹¹ Iza niḥna zaravna leekum ḥaajaat ar ruuḥ, takuun ḥaaja kabiira iza nalimm minnakum ḥaajaat aj jisim?

¹² Iza kaan taanyiin shuraka fi_s sulṭa valeekum, mush niḥna fi_l awwal? Laakin maa nashtaghil be_s sulṭa di, laakin vindana ṣabr vala kullu shi vashaan maa naxuṭṭ maaniv le injiil al Masiiḥ.

¹³ Maa bitavrifu al yaxdimu fi_l heekal yaaklu min al heekal? Wa deel al yaxdimu fi maḥall aḍ ḍabiiḥa yashtariku fi ḍabaayiḥ al maḍbaḥ?

¹⁴ Wa kida kamaan, ar Rabb amar ’an deel al yanaadu be_l injiil yaviishu min al injiil.

¹⁵ Wa laakin ana maa ishtaghalta be shi min da. Wa maa baktib da vashaan aaxud leiya zei da. Valashaan aḥsan leiya amuut min ’an waaḥid yaaxud minni sabab faxri.

¹⁶ Vashaan iza kaan abashshir, maa leiya faxr, vashaan ana laazim abashshir. Yaa muṣiibti iza kaan maa abashshir!

¹⁷ Iza avmil da min iraadati, vindi ujra. Wa laakin iza da maa min iraadati, Allaah ḥasabni wakiil amiin.

¹⁸ Valashaan kadi ujrati shinu? Wakit maa abashshir, baddi injiil al Masiiḥ majjaanan, wa maa bashtaghil be sulṭati fi_l injiil.

¹⁹ Wa law ana ḥurr min kull an naas, vamalta nafsi xaddaam le kull an naas, vashaan arbaḥ naas aktar.

²⁰ Bigiit le_l Yahuud zei Yahuudi vashaan arbaḥ al Yahuud. Wa leehum at tiḥit al gaanuun, zei maa ana tiḥit al gaanuun, mava ’inni ana mush tiḥit al gaanuun, vashaan arbaḥ deel at tiḥit al gaanuun.

²¹ Wa le_n naas al biduun gaanuun bigiit zei maa ana biduun gaanuun. Laakin ana mush biduun gaanuun le Allaah, laakin ana tiḥit gaanuun le_l Masiiḥ vashaan arbaḥ deel al biduun gaanuun.

²² Le_ḍ ḍaviifiin bigiit ḍaviif, vashaan arbaḥ aḍ ḍaviifiin. Bigiit le kull an naas kullu ḥaaja, vashaan axalliṣ be kullu ṭariiga bavḍ min an naas.

²³ Wa ana avmil kullu da valashaan al injiil, vashaan bakuun shariik fiihu.

²⁴ Maa bitavrifu? (?) Al yajru fi_s sabag kullahum yajru, laakin waaḥid yaaxud al ujra? Wa kida, ajru vashaan taḥaṣṣilu valeeha.

²⁵ Wa kull al yatvab, yamsik nafsu fi kullu ḥaaja. Deelaak vashaan yaaxudu taaj bixsar, wa laakin niḥna le taaj maa bixsar.

²⁶ Vashaan kida, ana maa bajri zei waaḥid al bijri biduun ta’kiid, wa maa baḍrub zei al biḍrub al hawa.

²⁷ Ana ba’addib jismi wa aghlibu. Vashaan axaaf, bavd maa bashsharta_t taanyiin, ana babga marfuuḍ.