1 Kuurintuus 8 - Kitaab al Vahd aj Jadid 1978

AL AKL AL MAḌBUUḤ LE_L AṢNAAM

¹ Hassav van al akl al yaḍbaḥuuhu le_l aṣnaam. Binavrif kulluna vindana mavrifa. Al mavrifa tavmil az zool mitkabbir, laakin al maḥabba tabni.

² Wa iza kaan waaḥid yaftakir huwa yavrif ḥaaja, hu lissav maa yavrif ḥaaja zei maa laazim yavrif.

³ Wa laakin iza kaan waaḥid yaḥibb Allaah, da mavruuf vind Allaah.

⁴ Vala kida van al akl al yaḍbaḥuuhu le_l aṣnaam, binavrif aṣ ṣanam maa shi fi_d dunya, wa maa fih Ilaah taani illa waaḥid.

⁵ Iza kaan fih al yasammuuha aaliha fi_s sama walla vala_l arḍ, zei maa aaliha katiiriin wa asyaad katiiriin fih.

⁶ Laakin leena Ilaah waaḥid bass, al Abu, al minnu kullu_l ḥaajaat wa niḥna naviish leehu, wa Rabb waaḥid, Yasuuv al Masiiḥ, al beehu kullu_l ḥaajaat wa niḥna naviish beehu.

⁷ Wa laakin kull an naas maa vindahum al mavrifa di. Laakin bavḍ minnahum, vashaan biyavmilu zei al vaada le_sṣ ṣanam lighaayat hassav, yaaklu_l akl zei aḍ ḍabaḥoohu le_ṣ ṣanam. Wa ḍamiirum aḍ ḍaviif yabga najis.

⁸ Laakin al akl maa bigarribna le Allaah. Iza maa akalna maa nakuun naagṣiin, wa iza akalna maa naziid ḥaaja.

⁹ Laakin shuufu vashaan sulṭatkum di maa takuun sabab xaṭiyya le_ḍ ḍaviifiin.

¹⁰ Yimkin waaḥid zool al vindu ḍamiir ḍaviif yashuufak yaakul fi beet ṣanam. Inta vindak mavrifa van al ḥaaja di. (?) Inta maa tashajjivu ḥatta hu yaakul aḍ ḍabaḥooha le_ṣ ṣanam?

¹¹ Wa kida be sabab mavriftak, al axu aḍ ḍaviif yamuut. Itzakkar al Masiiḥ maat fishaanu.

¹² Wa kida intu, lamma taxṭu ḍidd al axwaan wa tajraḥu ḍamiirum aḍ ḍaviif, intu taxṭu ḍidd al Masiiḥ.

¹³ Vashaan kida, iza kaan akl yakuun sabab wuguuv fi_l xatiyya le axuui, ana maa baakul laḥam abadan, vashaan maa bakuun sabab wuguuv le axuui.