1 Kuurintuus 5 - Kitaab al Vahd aj Jadid 1978

AṬRUD AL AXU_Z ZAANI

¹ Be_l ḥagg yaxabbiruuna fih beenkum zina, wa zina min an nuuv al maa bikuun fih been al umam, lighaayat maa az zool vindu marat abuuhu.

² Wa intu lissav mitkabbiriin. (?) Le shinu maa takuunu ḥaznaaniin wa tashiilu min wasiṭkum ar raajil al vamal da?

³ Ana maa mavaakum fi_j jism, laakin ana mavaakum fi_r ruuḥ. Min gubbaal ana ḥakamta vala ar raajil al vamal al vamal da, zei maa ana fih.

⁴ Wa lamma intu wa ruuḥi mitlammiin b_ism Rabbana Yasuuv, mava guwwat Rabbana Yasuuv,

⁵ intu tasallimu_r raajil da le_sh Sheeṭaan le xaraab aj jism, vashaan ruuḥu taxlaṣ fi yoom ar Rabb Yasuuv.

⁶ Kibirkum maa kwaiyis. Maa bitavrifu xamiira ṣaghaira taxammir al vajiin kullu?

⁷ Uxdu minnakum al xamiira al gadiima valashaan takuunu vajiin jadiid, zei maa intu be_l ḥagg veesh biduun xamiira. Vashaan al Masiiḥ, al ḥamal bitaav Viid al Fiṣaḥ, inḍabaḥ fishaanna.

⁸ Vashaan kida xalluuna navayyid mush be xamiira gadiima, yavni xamiirat az zanb wa_sh sharr. Laakin navayyid be_l veesh al biduun xamiira, yavni veesh al ixlaaṣ wa_l ḥagg.

⁹ Katabta leekum fi jawaabi ’an maa titlammu mava an naas al biyavmilu_z zina.

¹⁰ Ana maa kunta batkallam van zaaniyiin ad dunya di, walla_ṭ ṭammaaviin walla _l ḥaraamiyya, walla_l yavbudu_l aṣnaam. Vashaan iza kaan vamaltu kida, laazim tamrugu min ad dunya.

¹¹ Laakin hassav baktib leekum, maa titlammu mava waaḥid al bisammuuhu axu, iza hu biyavmil zina walla hu ṭammaav, walla yavbud al aṣnaam, walla shattaam, walla marraasi, walla ḥaraami. Wa maa taaklu mava waaḥid zei da.

¹² (?) Vashaan da shughli aḥkum valeehum al min barra? Deel al min juwwa, intu maa bitaḥkumu valeehum?

¹³ Allaah huwa al yaḥkum valeehum al min barra. Aṭrudu_z zool ash sharriir min beenkum.