1 Kuurintuus 16 - Kitaab al Vahd aj Jadid 1978

LAMMAT AL GURUUSH

¹ Wa van lammat al guruush fishaan al giddiisiin. Zei maa amarta kanaayis Ghalaaṭiyya, kida avmilu intu kamaan.

² Fi_l yoom al awwal min kullu usbuuv, xalli kullu waaḥid minnakum yaxuṭṭ vindu wa yaḥfaẓu zei maa ribiḥ, vashaan lamma baji maa laazim takuun fih lamma.

³ Wa lamman aji leekum, barassil an naas al intu ixtartuuhum be jawaabaat vashaan yashiilu hadiyyatkum le Uurushaliim.

⁴ Wa iza taftakiru aḥsan ana amshi kamaan, binamshi sawa.

AT TAVLIIM AL AXIIR

⁵ Baji leekum bavd maa marreet be Makiduuniyya, vashaan bamurr be Makiduuniyya.

⁶ Yimkin bagvud mavaakum walla baṣruf ash shita kamaan, valashaan tasaaviduuni fi safari le_l makaan al bamshi leehu.

⁷ Hassav maa vaawiz ashuufkum wa ana maarri be ṭariig, vashaan vindi rajaa astanna mavaakum mudda, b_izin ar Rabb.

⁸ Wa laakinni bagvud fi Afasus lighaayat Yoom al Xamsiin.

⁹ Vashaan infataḥ leiya baab vaẓiim le_l vamal an naajiḥ. Wa fih vudwaan katiiriin.

¹⁰ Iza Timutaawus yaji, shuuf ’annu yakuun biduun xoof mavaakum. Vashaan hu yavmil vamal ar Rabb zei maa ana avmil.

¹¹ Waaḥid maa yaḥtagiru, laakin saaviduuhu fi safaru be salaaam, valashaan yaji leiya. Vashaan bastannaahu mava al axwaan.

¹² Hassav van Abulluus axuuna, ṭalabta leehu katiir vashaan yajiikum mava al axwaan. Wa maa kaan raḍyaan abadan yaji hassav. Wa laakin hu biji lamman vindu furṣa.

¹³ Aḥrasu, kuunu saabitiin fi_l iimaan, kuunu rujaal wa itshaddadu.

¹⁴ Avmilu kullu ḥaaja be maḥabba.

¹⁵ Intu bitavrifu naas beet Astifanuus awwal tamar Axaaya, wa keef hum addu nufuusum le xidmat al giddiisiin. Aṭlubu leekum, yaa axwaan,

¹⁶ taṭiivu naas zei deel wa kullu_l bivmilu mavaahum wa bitvabu.

¹⁷ Ana mabsuuṭ vashaan Astifanuus wa Furtunatus wa Akaayikus jo, vashaanum malu_n naagiṣ minnakum.

¹⁸ Vashaan hum addu raaḥa le ruuḥi wa ruuḥkum. Iḥtarimu rujaal zeiyahum.

¹⁹ Kanaayis Aasiya yasallimu valeekum. Wa Akiila wa Biriskilla mava al kaniisa al fi beetum yasallimu valeekum katiir fi_r Rabb.

²⁰ Yasallimu valeekum kullu_l axwaan. Sallimu bavḍakum vala bavḍ be salaam magaddas.

²¹ Ana, Buulus, aktib as salaam da be iidi.

²² Iza kaan waaḥid maa biḥibb ar Rabb, xalliihu yakuun malvuun. Tavaal, yaa Rabbana!

²³ Nivmat ar Rabb Yasuuv mavaakum.

²⁴ Maḥabbati mava kullukum fi_l Masiiḥ Yasuuv.