1 Kuurintuus 12 - Kitaab al Vahd aj Jadid 1978

HADAAYA RUUḤIYYA

¹ Hassav van al hadaaya ar ruuḥiyya, yaa axwaan, maa baduurkum takuunu biduun mavrifa.

² Intu bitavrifu lamma kuntu min al umam, kaanu yaḥarrikuukum wa yaguuduukum le_l aṣnaam al maa yitkallamu.

³ Vashaan kida axabbirkum, waaḥid maa biguul, “Lavna le Yasuuv!” wa hu yitkallam be Ruuḥ Allaah. Wa waaḥid maa bigdar yaguul, “Yasuuv ar Rabb,” illa be_r Ruuḥ al Gudus.

⁴ Wa fih anwaav hadaaya, wa laakin ar Ruuḥ waaḥid.

⁵ Wa fih anwaav xidma, wa laakin ar Rabb waaḥid.

⁶ Wa fih anwaav avmaal, laakin Allaah waaḥid al biyavmil kullu shi fi kull an naas.

⁷ Wa laakin le kullu waaḥid Allaah yaddi beyyinat ar Ruuḥ le_l faaida.

⁸ Valashaan Allaah yaddi kalaam ḥikma be_r Ruuḥ le waaḥid, wa kalaam mavrifa le taani be ḥasab nafs ar Ruuḥ.

⁹ Wa le taani, iimaan be nafs ar Ruuḥ, wa le taani, hadaaya ash shifa be_r Ruuḥ al waaḥid.

¹⁰ Wa le taani, vajaayib, wa le taani, nubuwwa, wa le taani, gudra vashaan yafham al farig been al arwaaḥ, wa le taani, gudra vashaan yitkallam be anwaav al lughaat, wa le taani, tarjimat lughaat.

¹¹ Laakin ar Ruuḥ al waaḥid nafsu yavmil kullu da, wa yaddi kullu waaḥid baraahu zei maa hu daayir.

JISM WAAḤID, AVḌAA KATIIRA

¹² Vashaan zei maa aj jisim hu waaḥid wa vindu avḍaa katiira, wa kullu avḍaa aj jisim katiira, laakin lissav jisim waaḥid, kida_l Masiiḥ zei daak kamaan.

¹³ Vashaan kulluna be Ruuḥ waaḥid itvammadna le jisim waaḥid, iza kunna Yahuud walla naas Griigi, xaddaamiin walla al vindahum ḥurriyya. Wa hu addaana kulluna Ruuḥ waaḥid vashaan nashrabu.

¹⁴ Vashaan aj jisim kamaan mush vaḍu waaḥid laakin avḍaa katiira.

¹⁵ Iza gaalat al kiraav, “Vashaan ana maa iid, ana maa min aj jisim,” daak yavmila takuun mush min aj jisim?

¹⁶ Wa iza gaalat al aḍaan, “Vashaan ana maa veen, ana maa min aj jisim,” daak yavmila takuun mush min aj jisim?

¹⁷ Iza kaan kullu_j jisim veen, ween as samav? Wa ’in kaan kullu samav, ween ash shamm?

¹⁸ Laakin Allaah xaṭṭ al avḍaa kullu waaḥid minnaha fi_j jisim zei maa kaan vaawiz.

¹⁹ Wa laakin iza kaan kullahum vaḍu waaḥid, ween aj jisim?

²⁰ Wa kida, fih avḍaa katiira, wa laakin jisim waaḥid.

²¹ Al veen maa bitagdar taguul le_l iid, “Maa vindi iḥtiyaaj leeki,” walla_r raas kamaan le_l kirveen, “Maa vindi iḥtiyaaj leekum.”

²² Be_l vaks, avḍaa aj jisim an naftakir hum ḍaviifiin, hum muhimmiin.

²³ Wa avḍaa aj jisim al binaḥsiba agall iḥtiraam, naddiiha iḥtiraam aktar. Wa_l avḍaa al maa jamiila fiina, naddiiha jamaal akbar.

²⁴ Wa_j jamiila fiina maa vindaha iḥtiyaaj le daak. Laakin Allaah xaṭṭ al avḍaa fi_j jisim be_ṭ ṭariiga al bitaddi le_n naagiṣ iḥtiraam aktar.

²⁵ Valashaan maa bikuun ingisaam fi_j jisim, laakin vashaan al avḍaa yakuunu vindahum fikra waaḥda bavḍahum le bavḍ.

²⁶ Wa iza kaan waaḥid vaḍu yatvab, kullu_l avḍaa yatvabu mavaahu. Wa iza kaan yaḥtarimu waaḥid vaḍu, kullu_l avḍaa bifraḥu mavaahu.

²⁷ Wa intu jisim al Masiiḥ, wa kullu waaḥid minnakum baraahu avḍaahu.

²⁸ Wa Allaah xaṭṭ fi_l kaniisa, al awwal rusul, at taani anbiya, at taalit muvallimiin, bavdeen vaamiliin vajaayib, bavd da hadaaya ash shifa, musaavadaat, tartiibaat, wa anwaav al lughaat.

²⁹ Al kullu rusul? Al kullu anbiya? Al kullu muvallimiin? Al kullu vindahum guwwa vashaan yavmilu vajaayib?

³⁰ Al kullu vindahum hadaaya ash shifa? Al kullu yitkallamu be lughaat? Al kullu yatarjimu?

³¹ Laakin ḥibbu shadiid al hadaaya al aḥsan. Wa kamaan bawarrikum ṭariig aḥsan be katiir.