1 Kuurintuus 1 - Kitaab al Vahd aj Jadid 1978

¹ Min Buulus, al muxtaar vashaan yakuun rasuul le Yasuuv al Masiiḥ be iraadat Allaah, wa min Suustaaniis al axu.

² Le kaniisat Allaah al fi Kuurintuus, al magaddasiin fi_l Masiiḥ Yasuuv, al muxtaariin vashaan yakuunu giddiisiin mava kullu_l binaadu le ism Rabbana Yasuuv al Masiiḥ fi kullu maḥall, Rabbum wa Rabbana.

³ Nivma wa salaam leekum min Allaah Abuuna wa_r Rabb Yasuuv al Masiiḥ.

ASH SHUKR

⁴ Ashkur Allaah fi kullu wakit fishaankum, vashaan Allaah addaakum an nivma al fi Yasuuv al Masiiḥ,

⁵ Vashaan intu bigiitu ghaniyiin fiihu, fi kullu shi wa fi kullu kalaam wa kullu mavrifa.

⁶ Wa kida shahaadatna van al Masiiḥ it’akkadat fiikum.

⁷ Wa vashaan kida intu maa naagṣiin fi aiya hadiyya min ar ruuḥ, wa intu mustanniin ẓuhuur Rabbana Yasuuv al Masiiḥ.

⁸ Hu bishaddidkum le_l aaxir biduun loom fi yoom Rabbana Yasuuv al Masiiḥ.

⁹ Allaah amiin, huwa an naadaakum le sharikat Ibnu Yasuuv al Masiiḥ Rabbana.

AGSAAM FI_L KANIISA

¹⁰ Laakinni aṭlub leekum, yaa axwaan, b_ism Rabbana Yasuuv al Masiiḥ, kullukum taguulu kalaam waaḥid. Wa maa yakuunu beenkum agsaam, laakin taftakiru fikir waaḥid be vagl waaḥid.

¹¹ Vashaan ahl Xuluuwi xabbarooni, yaa axwaani, van ash shaklaat al fih beenkum.

¹² Yavni kullu waaḥid minnakum yaguul, “Ana le Buulus,” walla, “Ana le Abulluus,” walla, “Ana le Buṭrus,” walla, “Ana le_l Masiiḥ.”

¹³ Al Masiiḥ ingasam? Buulus inṣalab vashaankum? B_ism Buulus itvammadtu?

¹⁴ Ashkur Allaah ana maa vammadta waaḥid minnakum illa Kiriisbus wa Ghaayus,

¹⁵ vashaan waaḥid maa yaguul hu itvammad b_ismi.

¹⁶ Wa kamaan vammadta ahl beet Istifaanuus. Wa foog da maa atzakkar ana vammadta aiyi zool taani.

¹⁷ Vashaan al Masiiḥ maa rassalni le avammid, laakin le abashshir be_l injiil, mush be kalaam shaaṭir, vashaan ṣaliib al Masiiḥ maa yabga biduun faaida.

AL MASIIḤ ḤIKMAT WA GUWWAT ALLAAH

¹⁸ Valashaan kilmat aṣ ṣaliib vind al bimuutu kalaam faaḍi, laakin vindana al muxallaṣiin hiya guwwat Allaah.

¹⁹ Vashaan maktuub, “Ana baxassir ḥikmat al vaagiliin, wa arfuḍ fahm al faahmiin.”

²⁰ Ween al fahiim? Ween al kaatib? Ween al mishaakil bitaav az zaman da? (?) Allaah maa vamal ḥikmat ad dunya di tabga baliida?

²¹ Vashaan iza kaan ad dunya, fi ḥikmat Allaah, maa virifat Allaah be_l ḥikma, inbasaṭ Allaah ’an yaxalliṣ al mi’aaminiin be balaadat al bishaara.

²² Valashaan al Yahuud yas’alu valaamaat, wa naas Griigi yaṭlubu ḥikma.

²³ Wa laakin niḥna nabashshir be_l Masiiḥ al maṣluub, le_l Yahuud vatra wa le naas Griigi ḥaaja baliida.

²⁴ Laakin le_l muxtaariin, Yahuud wa naas Griigi, al Masiiḥ, huwa guwwat Allaah wa ḥikmat Allaah.

²⁵ Vashaan ash shi al baliid bitaav Allaah vindu ḥikma aktar min ḥikmat an naas, wa ḍuvf Allaah gawwi min an naas.

²⁶ Fakkiru fi ixtiyaarkum, yaa axwaan, maa fi katiiriin minnakum al kuntu faahmiin be ḥasab aj jisim. Maa fih katiiriin shadiidiin, maa fih katiiriin muḥtarmiin.

²⁷ Laakin Allaah ixtaar al ḥaajaat al baliida fi_d dunya vashaan yaxajjilu_l faahmiin. Wa Allaah ixtaar aḍ ḍaviifiin fi_d dunya vashaan yaxajjilu_sh shadiidiin.

²⁸ Wa Allaah ixtaar al mitwaaḍiviin wa_l muḥtagariin fi_d dunya, wa_l ḥaajaat al maa mawjuuda, vashaan yawaggif al ḥaajaat al mawjuuda.

²⁹ Valashaan waaḥid maa yagdar yashkur nafsu giddaam Allaah.

³⁰ Laakin intu vindakum min Allaah ḥayaat fi_l Masiiḥ. Wa huwa biga leena ḥikma min Allaah, wa birr, wa gadaasa, wa fidaa.

³¹ Vashaan kida zei maa maktuub: “Al vaawiz yamajjid, xalliihu yamajjid ar Rabb.”