1 Buṭrus 2 - Kitaab al Vahd aj Jadid 1978

AL ḤAJAR AL ḤAI WA_SH SHAVB AL MUXTAAR

¹ Vashaan kadi, armu minnakum kullu shamaata wa kullu ghishsh wa_n nifaag wa_l ḥasad wa kullu shatiima.

² Zei aṭfaal itwaladu hassav, duuru_l laban ar ruuḥi al maa fiihu ghishsh, vashaan takbaru beehu le_l xalaaṣ,

³ maa daam ḍugtu ’an ar Rabb ṭaiyib.

⁴ Garribu leehu, le_l ḥajar al ḥai, al marfuuḍ min an naas, wa laakin al muxtaar min Allaah wa muḥtaram leehu.

⁵ W_intu kamaan mitil ḥujaar ḥaiya, tinbanu beet ruuḥi wa gusus magaddasiin, vashaan tagaddimu ḍabaayiḥ ruuḥiyya magbuula vind Allaah be Yasuuv al Masiiḥ.

⁶ Vashaan kadi yazkur fi_l Kitaab, “Shuufu, ana baxuṭṭ fi Ṣihyoon ḥajar ar rukun muxtaar wa muḥtaram. Wa_l bi’aamin beehu maa bixjal.”

⁷ Leekum al bit’aaminu, huwa al muḥtaram. Laakin le_l maa bi’aaminu, “Al ḥajar ar rafaḍoohu_l bannaa’iin, hu biga raas ar rukun.”

⁸ Wa, “Ḥajar vatra wa ṣazra wuguuv.” yagavu valashaanum maa biṭiivu_l kilma, wa kida kaanu muvayyiniin le da.

⁹ Wa laakin intu jins muxtaar, wa gusus muluuki, wa umma magaddasa, wa shavb maxṣuuṣ le Allaah, vashaan taxabbiru be ḥamd an naadaakum min aḍ ḍalaam le nuuru_l vajiib.

¹⁰ Intu_l maa kuntu min gabil shavb, laakin hassav intu shavb Allaah. Wa maa kuntu gibiltu_r raḥma, wa laakin hassav gibiltu_r raḥma.

¹¹ Yaa maḥbuubiin, aṭlub leekum zei ghariibiin wa misaafiriin ’an tarfuḍu_sh shahwaat aj jismiyya al bitḥaarib an nafs.

¹² Viishu ḥayaat ṭaiba been al umam, vashaan iza yashkuukum zei vaamiliin ash sharr, yashuufu avmaalkum aṭ ṭaiba, wa yamajjidu Allaah fi yoom ziyaartu.

ṬIIVU AS SALAAṬIIN

¹³ Ṭiivu kullu tartiib an naas vashaan xaaṭir ar Rabb, iza le_l malik zei al vindu_s sulṭa al vaalya,

¹⁴ walla le_l ḥukkaam, al murassaliin minnu le_l intigaam min vaamiliin ash sharr, wa vashaan ḥamd le vaamiliin al xeer.

¹⁵ Vashaan iraadat Allaah hiya ’an tasakkitu jahal an naas al ghushshaam be avmaalkum aṭ ṭaiba.

¹⁶ Viishu zei naas ḥurriin, laakin maa tistavmilu ḥurriyyatkum zei ghaṭa le_sh sharr. Laakin viishu zei xaddaamiin Allaah.

¹⁷ Iḥtarimu kullu_n naas. Ḥibbu_l axwaan. Xaafu Allaah. Iḥtarimu_l malik.

¹⁸ Yaa xaddaamiin, ṭiivu asyaadkum be kullu iḥtiraam, maa le_l kwaiyisiin wa_l luṭafaa bass, laakin le_ẓ ẓaalimiin kamaan.

¹⁹ Vashaan da magbuul iza waaḥid yitḥammal aḍ ḍiig wa yitwajjav be ẓulm fishaan aḍ ḍamiir vashaan yaṭiiv Allaah.

²⁰ Laakin keef bikuun ḥamd leekum iza yaḍrubuukum w_intu vaamiliin ash sharr, wa taṣburu? Wa laakin iza titwajjavu w_intu vaamiliin al xeer, wa taṣburu, da magbuul giddaam Allaah.

²¹ Allaah naadaakum le da, vashaan al Masiiḥ kamaan itwajjav vashaan xaaṭirkum, wa xalla leekum masal, vashaan tatbavu darbu.

²² Wa huwa maa vamal xaṭiyya, wa maa kaan mawjuud fi xashmu ghishsh.

²³ Lamma shatamoohu, hu maa radda_sh shatiima, wa lamma itwajjav, maa haddad, laakin ittakal vala_l biḥkum be_l vadil.

²⁴ Hu nafsu ḥamal xaṭaayaana fi jismu val_ṣ ṣaliib, vashaan niḥna namuut van al xaṭiyya wa naviish le_l birr. Wa be juruuḥu, hu shafaakum.

²⁵ Vashaankum kuntu zei xirfaan ḍaayiv, laakin rajavtu hassav le Raavi nufuuskum wa Mulaaḥizkum.