MIHUKAKIÑNIIÑ 8 - NITI GONTU N.T. (BSI)

Kanunii Jhipponiiñ

¹ Siibuñ kanunii jhipponiimi miiko kiile, dariiganda ho gunta tapohepa ji lyune.

² Ho ngo kapato kanuhe miidopopi mi huna Pinii ka hataho danii, ho kanuhe siirii mohlumi bibiine.

³ Ho miidopopi koneya ahdo ho agyañ ka aruñho dami ayyiñ hokii ka byamunanii mi biitola; ho mohmi abuje byamunanii binya biido miiyo naniipa hikha piniimiyu atañka kuniiñ agiñho, ayyiñ agyañ ka ayoh ho raddeduko ka hataho;

⁴ ho byamunii muku hii suliñ do piniimiyu atañka kuniiñ ka agiñho, miidopopi ka alah hokii Pinii ka hataho.

⁵ Ho miidopopi byana naniimi jola la ho hiikoho poteje yamu rulii biido agyañ hokii ho kiiddiapiñho ripa lobiido; ho hempḛr goropa yapuñ gendo, adu-abiñ do, dolya byodo, ho myobu hudo.

Siirii munananii atañ

⁶ Siisi miidopopi kanuhe hutiina siirii kanuhemi biidonii hiika hiimi mudupa hemmyo nyada.

⁷ Kappyoja miidopopi mohka siiriilo mubiido, ho hiika kiiliñ ho tari la yamu nyi dojo mondo, ai hokii miiyo tola, niihna kiiddiapiñ ho huhi donii; ho kiiddiapiñ ka hingenii hakhu mi yamu lyabiine, ho sannii atañka hingenii hakhumi lyalo biine; ho hikha jiji tammi atañmi lyakhii biine.

⁸ Anye nii miidopopi mohka siirii mi mubiido, ho kakele hempḛr putoo puro hiilyañ, yamu yaniiñka agiñho, siimie ho jopa lobiine;

⁹ ho siimie ka hingenii hakhu hii ai pa lyine, siimie hoka danii achu-amyo atañka hingenii hakhu hii shiinyane, ho yasiejaji atañka hingenii hakhu mi pyalo biine.

¹⁰ Hingenii miidopopi mohka siirii mi mubiido, ho hempḛr abuje takḛr huhido yapuñ hokii, muru chitañ byobiidola, ho hiika hii kiile atañka hingenii hakhu ho huhi nyado ho yasie shoo huliñ ko atañ ho.

¹¹ Takḛr ka armyañ hii riikokochi hiila. Yasie ka hingenii hakhu hii riikokochi pa lyine, ho hempḛr abuje miyu shiinya ne yasie kiipa, niimpalukoda hiimi kochi dopa miitii.

¹² Piilyenii miidopopi mohka siirii mi mubiido, ho danyi ka hingenii hakhu mi tiidiñ biido, ho piilo ka hingenii hakhu mi, ho takḛr atañka hingenii hakhu mi, hiikohopa mohluka hutoh ka hingenii hakhu hii kamo rine; allo ka hingenii hakhu mi byoku madopa miibiine, ho hiichulipa ayoh ka hingenii hakhu mitrḛ.

¹³ Ho ngo kakele, ho ngo tapato khoñkhu koneka hempḛr goropaka gyuniiñmi, hiikahii yapuñ hahoho gola dala, aiya, aiya, aiya hiila hembido hutiina kiiddiapiñ ho dunya dunii, koneya siirii muna nanii mika muri lyiho nii mina hingenii miidopopi atañ mupa miidonii!