MIHUKAKIÑNIIÑ 5 - NITI GONTU N.T. (BSI)

Karkiesiilyo la Siibuñ nyi

¹ Ho ngo kapato mohka lahbi alah ho huna raddeduko ho dunii karkiesiilyo ako ura hoka keniiñ ho hiika kiiliñho, jhippotola do kanuhe jhipponaniiñlo;

² ho ngo kapato tamo miidopopi mi hempḛr goropa gyuko dopa, Hu khiiniiñ pa lyido karkiesiilyo mi khako ladopa ho hiika jhipponiimi miiko ladopa?

³ Ho kone hetrḛ dariiganda malo kiiddiapiñ malo kiiddi ka ura hokii khako lamane karkiesiilyo mi malo hiimi kaka lamane,

⁴ ho ngo hempḛr kheto niimpalukoda khako dupa kone hetrḛ khiiniiñ kapa ma hiika karkiesiilyo mi malo hiika hiimi kadupa.

⁵ Ho amiabañ kone ngiimi luhii, “Kheyo; kato, Juda halu daka Patii, David ka liima hokii, pamiñtiiku ke, niimpalukoda mo karkiesiilyo mi khako lakiñdo ho hiika kanuhe jhipponiimi.”

⁶ Ho raddeduko punkoho piilye turnii achu-amyo ho amiabañ atañka punkoho, ngo siibuñ kone dapa kapato, menko kunii hiilyañ, kanuhe arii giitola ho amee pukkanuhe giitola, hiikahii Pinii ka kanuhe yajiyallo hiimi kiiniñtii hikha kiiddiapiñ so;

⁷ ho mo intii ho labiitii karkiesiilyo mi lahbi alah hokii huna raddeduko dunii.

⁸ Ho mo karkiesiilyo mi lala la, piilye achu-amyo atañ la nyikhañ hela piilye amiabañ atañ Siibuñ ka hataho chuki lyudo, kone abi berañ mi biitola, ho ayyiñ piichañ ho poteje byamunanii biitola, niihna piniimiyu atañka kuniiñ atañ nii;

⁹ ho mohlu niti biisie sido, lubiidola, “No khiiniiñ pa lyido karkiesiilyo mi lariiniipa ho hiika jhipponiimi miiko dopa, niimpalukoda no menkotii ho niika ai hii miyu atañmi tupya tii Pinii pa halu kone abi hokii ho aguñ ho miyuatañ ho ganda mi,

¹⁰ ho mohlumi raddeganda pa miitii ho ngunuka Pinii ka nyibu atañpa, ho mohlu kiiddiapiñ mi sangii kendo.”

¹¹ Ho ngo kakatii, ho ngo tapatii raddeduko aruñare ho turnii achu-amyo atañ ho amiabañ atañ ho abuje miidopopi atañka luniiñ, khiikha lama jare adi jalyañhe miidopopi,

¹² hempḛr goropa lubiidola, “Khiiniiñke siibuñ huna menko tiinii, tamo mi larii dupa ho mingotamo ho chila ho harchichike ho kito ho tatukatu ho lyaniiñ mi!”

¹³ Ho ngo tapato achu-amyo koneabi dariiganda daka la ho kiiddiapiñho ho kiiddiapiñ ka ura daka ho siimie dakii, ho hikha hiika hoka danii, lula dopa, “Mohmi huna raddeduko ho dunii ho Siibuñ mi lyanto ho kito ho assañto ho tamo dokiñcho ayu dahepa!”

¹⁴ Ho piilye achu-amyo atañ lutii, “Amen!” ho amiabañ atañ chuhila ho heriinyatii.