3 JON 1 - NITI GONTU N.T. (BSI)

¹ Amiabañ kokii heniiñja Gayas mi, humina ngo hendu nii jije ho.

² Heniiñja, ngo kudu hikha aya chanchañ lyikiñ cho niika agiñho ho niimpalukoda no dasḛrbiibo dakiñcho; ngo chindo niika yallo hii ayapa da.

³ Niimpalukoda ngo ano hempyoto anubarmii tonge ka ahchi lyiho ho niika jije sango mika luko lyiho, jijepa no jije mi imbodo hiila.

⁴ Siimi uro yapa ngiiko hang hempyo dola kema, hiila ka tapa niimi hentola ngiika oho atañ jije ka kiiliñ ho imbo la do hiila.

Gayas mi Assañ Biido

⁵ Heniiñja, siikasi khiiniiñ drih ke no miidonii niida no niika anubarmii miiho talyi, luchila nyibo atañmi,

⁶ huna niika hensu niimi gyoliñkonii atañka hataho luko donii. No mohlumi aya loda kiiniñ nedo hendo mohluka myodi bokoho Pinii ka kaji dopa.

⁷ Niimpalukoda mohlu mohka piigo pake irinyane nii ho hang drih larii maneke henje manii atañ kokii.

⁸ Hopa ngunu sitañ miyu atañmi hembyuñ kendo, niimpalukoda ngunu miigo miihiñ ahiñpa lyidupa jije ho.

Diotrepas la Demetrius nyi

⁹ Ngo gyoliñkonii mi hang kone kebii lyike; hojalo Diotrepas, huna atohmi kapyo ho atii siinañ donii, ngiika otority mi talii make.

¹⁰ Hopa ngo matiirḛ ahlyi milo, ngo kakiñ talyike niihna mo miidonii, ngiimi piicha pa khiida chekhola diimmah aguñ lo. Ho hiimi hembyañ mapa, mo atohtiirḛ anubarmii atañmi kariitama ludo, ho hiika atañ mitrḛ lutiñ biido hutiina mohlumi kariikatañ nala henda nii ho mohlumi gyoliñkonii ka agoho nempa linda.

¹¹ Heniiñja, diimmah mi kagii lyayo hojalo aya mi kagii tolya. Mo huna aya miidonii hii Pinii kokiike; mo huna diimmah miidonii mo Pinii mi kapa make.

¹² Demetrius mi kone ahbo pyako doke, ho jije hokii tiirḛ; ngotiirḛ mohmi pyakodu, ho no chindo ngiika pyakoniisi jije hiila.

Kamijapa Ayahelyi

¹³ Ngiiko abuje kesa dosu do, hojalo ngo kenananii la sihahi lo ketema;

¹⁴ Ngo hendo hempḛr nyibya niimi kapa todo hiila, ho ngiinyi nyitumoru kapa siibii dola lurii siisa.

¹⁵ Niiko chimie dokiñ cho. Ajiñ atañ niimi ayahelyi lulyike. Ajiñ atañmi ayahelyi lutolya, mohlumi kone abimi.