1 TIMOTI 4 - NITI GONTU N.T. (BSI)

Amuh Tonsḛrbo Atañ

¹ Siisi Yajiyallo didḛrpa lukoda ahlyinii myodu ho tonge henje hokii impagiikiñ do amuh yajiyallo atañmi tajela ho igii atañka tonsḛrniimi,

² amuh atañka hiilake hiila luniiñlo huka henju atañ na dachañ gubulo tensi kotiinii,

³ huna mihie millo lasu niimi lutiñ donii ho diigotango diisanii tange mi diiyo ludonii nii mina Pinii puliñ tiinii hiimi payapacho hiibii dola ka larii saniiñmi huna henje donii ho jijemi chindonii.

⁴ Niimpalukoda kapane Pinii ka puniiñ hiiniiñ hii ayake, ho hang khiipa saniiñ giima hiika hiimi matiirḛ payapacho lubiidola larii dokoda;

⁵ niimpalukoda hiika hiimi darii miitiiku Pinii ka aguñlo ho kuniiñ lo.

Kristo Jisu ka Denki Miira

⁶ No matiirḛ siika lukoniisi mi anubarmii atañka hataho atii bidokoda, no denki miiho niipa lyikiñdo Kristo Jisu ko, hokotii henje ka aguñ atañlo ho aya tonsḛrniimi nii mina no imbomondonii.

⁷ Piigo amanii piniiheriimanii ho jijemanii agiñho hang miilyayo. Atohmi piniisanju ho sandopa miinyo tolya;

⁸ niimpalukoda apo ka miinyo niisi tiirḛ ayado, piniisanju ada kapakohe piigo ahdo ke, siikasi siisi ka sango patrḛ hemme bitii ho ahsa nii sango patrḛ.

⁹ Luniiñsi jije ho khiiniiñpa lyido hikha taliimondopa.

¹⁰ Niimpalukoda siika drihpa ngunu khentii ho uropa miidu, niimpalukoda ngunuko ngunuka hentiñnanii hii turnii Pinii ko atii tola do, huna hikha miyuatañ mika lyangur nii, luchila hiika atañpa hutiina henje nyadonii.

¹¹ Luto ho tonsḛrto siika drih atañmi.

¹² Kone lotrḛ niika yapa saniiñmi khiipa koyo, hojalo henje atañmi kagiñnaniipa kakiñ tolya luniiñho ho miijulujuho, hensu niiho, henjeho, dariiho.

¹³ Nii dahepa ngo ahtema, butiiapur hoka piniipota mika riko ho ahbo tolya, tonsḛrkhenyoko, tonsḛr ko.

¹⁴ Niiko hoka ahmiñayiñ giiniiñ mi hemiikalo mapa miilyayo, nii mina niimi bitiinii nyibuhenii atañka luniiñlo sangiigyagiinii amiabañ atañka mohluka alah mi niiko tencha biido laka biiniiñmi.

¹⁵ Siika miigo atañ siimi miinyo tolya, mohlupa atohmi tiilii siito lya, niimpalukoda kone abimi niika hatachaniiñ mi kapa dopa.

¹⁶ Atohmi hendi siitolya ho niika tonsḛr niimi; hiimi miikañ ari miitolya, niimpalukoda hiila miibiidola no lyangur siikiñdoke atoh mitrḛ ho niikii mika tanii atañ mitrḛ.