1 TESOLONIA 3 - NITI GONTU N.T. (BSI)

¹ Hopa niido ngunu siimi pigii laku mato, ngunu talii toku Aten ho kontii dulya dukupa,

² ho ngunu Timoti mi kiiniñ to, ngunuka anu ho Pinii ka miira Kristo ka ayapuyu ho, nunumi nunuka henjeho sancha kiinedupa ho nunumi harolupa dupa,

³ niimpalukoda kone mitrḛ abyu madopa siika pamyotakho sokii. Nunu atoh loda chindo siikasi ngunupa bardiñ lasu.

⁴ Niimpalukoda niido ngunu nunu agiñho dato, ngunu nunumi luko lumyoto ngunu pamyotakho bakiñ doke hiila; niihtañpa lyine, ho nunu chiniiñ hiilyañ.

⁵ Niimpalukoda siika piigopa, siimi ngiika pigii laku malyiho, ngo kiiniñto nunuka henjemi chindupa hiila, niimpalukoda biisola tenkalarkabo nunumi tenkatama siiyuha hiila ho ngunuka miigo miiniiñ danyo pa impa tama siiyuha hiila.

⁶ Hojalo siisi Timoti ngunuka agiñho ahdo nunukokii, ho ayapuyu mi baliigiitii nunuka henjemi ho hensu niimi ho lukodota kiirañ nunu ngunumi helakala la hempadu ho hempḛr ngunumi kapanala hendo hiila, niihtañpa ngunu nunumi kapa nala hendo,

⁷ niimpalukoda siika piigopa, anubarmii atañ, hikha ngunuka hengahenkha ho pamyotakho ho ngunumi nunu hembyuñtii nunuka henjelo;

⁸ niimpalukoda siisi ngunu sando, nunu matiirḛ Attoh ko alḛr pa dado koda.

⁹ Niitañ ka payapacho hiilape Pinii mi ngunu luchi kunii nunupa, niimpalukoda hikha hempyo nii mina ngunu hempa donii nunu kiipa Pinii ka hataho,

¹⁰ kukañ ari kudu allo ayoh karmyañmi niimpalukoda ngunu nunumi kadela kapa ladopa ho niihna nunuka henje ho papo donii hiimi bidu pa.

¹¹ Siisi ngunuka Pinii ho Aba mohloda, ho ngunuka Attoh Jisu, ngunumi lembo pagii lyido nunuko;

¹² ho Attoh nunumi abuyaya ho poteje koneanyañ mika hensuniimi dopa miine do ho hikha miyu atañmi, niihtañpa ngunu nunumi hendu,

¹³ niimpalukoda mo nunuka ahha ho miibi nedo hang pahañhansa giimadopa darii ho ngunuka Pinii ho Aba ka hataho, ngunu Attoh Jisu ka ahlyi kuho hikha mohka piniimiyu atañ agiñho.