1 KORINTIA 4 - NITI GONTU N.T. (BSI)

Kristo ka Kiiniñkonii Atañ

¹ Siikasi niihtañpa nunu ngunumi henkiñdo lukoda, Kristo ka miira ho Pinii ka mih chimaniimi ka kabii biniiñ atañ hiila.

² Hiikahaho siikasi kabiibinii atañ ko hentiñ lako saniiñ giinya kendo.

³ Hojalo ngiipa koda siikasi hempḛr atu drih sii ngo nunu lo halii kodopa malo hikha miyu ka gondu lusuko hojalo. Ngo atoh tiirḛya halii hangka siima rañ.

⁴ Ngo hang chima hang drih ngiimi chekhola, hojalo ngo hang chima hiilama. Siikasi Attoh ke huna ngiimi halii dunii.

⁵ Hopa iche hetrḛ ayakacho kaniiñmi lulya yo myodu ahma rampa, Attoh ka ahma rampa, huna hutoh mi ahgii kendo nii siisi ka kamo hoka drih achuñ tola donii atañpa ho luko kendo ahha hoka heniiñ atañmi. Ho hikha miyuatañ kapa kendo mohluka heniiñmi Pinii kokii.

⁶ Ngo hikha siika atañ siimi miitii ke Apollos ngiinyi ko nunuka aya sakopa, anubarmii atañ, niimpalukoda nunumi ngunu kokii chingiila keto laka doniiñ hokiila ago lima yapa, kone mi hentii biila kone mi khiipa mado pa.

⁷ Niimpalukoda hu kado nunuko hangdrih ponsa yapa? Nunu ko nii do nunuka larii maniiñ, nunu matiirḛ hiimi larii tiikoda, niimpa nunu khansu du hii matiirḛ ahmiñayiñ manii hiilyañ?

⁸ Nunu ko poteje doku byo! nunu mingo doku byo! ngunu nyimapa nunu radde lyinya doku byo! Ho hiilo ha nunu sangii tiinii, niimpalukoda ngunumi nunuka sangii ko santa montiibyo!

⁹ Niimpalukoda ngo hendo rongkoda Pinii ngunu kiiniñkonii atañmi kakiñtii hikha rumika kami kalojaho, miyuatañ mika shiidopa lutii nii hiilyañ; niimpalukoda ngunu dohadolo ka kata naniiñpa lyido, miidopopi atañpa ho miyu atañpa.

¹⁰ ngunu Kristo kiipa piicha pa lyido, hojalo nunu Kristo ko chila ke. Ngunu ajju, hojalo nunu tamo. Nunu khiiko biido, hojalo ngunu khiipa kodo.

¹¹ Siika myodu so ngunu hayado ho hangḛrdo, ngunu abitarii aya giima ho chekorekonii ho udenyima nii,

¹² ho ngunu khendu, ngunuka atoh alah lo miidu. Niida bechi, ngunu lyandu; niida miihimiire talyi, ngunu pigiidu;

¹³ niida danyopa halii talyi, ngunu lyarka du; ngunu lyidoku, ho siisi, dohadolo ka khiipa kuniiñ, hikha drih mika khiipa kuniiñ.

¹⁴ Ngo siimi nunumi hiinyañ miipyu dupa kemake, hojalo nunumi tonsḛr dupa ngiika heniiñja himme atañpa.

¹⁵ Niimpalukoda nunuko khiikha lama lembo pagiinii dasu daja lopa Kristo ko, nunuko abuje aba nyima. Niimpalukoda ngo nunuka aba pa lyido ku Kristo Jisu ko ayapuyu kiilo.

¹⁶ Ngo nunumi yarlyi ke, hokoda ngiika miiko miijo montote.

¹⁷ Hopa ngo kiiniñ tiike nunuko Timoti mi, ngiika heniiñja ho lotii wiinga Attoh ko, nunumi lupa kiine dupa ngiika lembo atañmi Kristo ko, ngiika mohlumi ka tonsḛrnii chulipa kapakohe ka kapane gyoliñkonii ho.

¹⁸ Tonge nunu hentii siinyada, ngo nunuko ahkiñ manii hiilya pa.

¹⁹ Hojalo ngo nunuko nyibya ahchi ke, Attoh matiirḛ hendo koda, ho ngo meliñ talyi siika hentii siinii miyu atañka luniiñ mimapa hojalo harchichike mi.

²⁰ Niimpalukoda Pinii ka raddeganda hii luniiñ kontii ho doma ke hojalo harchichike hoke.

²¹ Nunu nii hiila hendo? ngiimi nunuko lopa biila ahto hiila hendoha, malo hensunii yajiyallo ka ahhakeyiñ miha?