1 JON 1 - NITI GONTU N.T. (BSI)

Sango ka Aguñ

¹ Niihna lotujaho hokiinii, nii mina ngunu tapa tiinii, nii mina ngunuka amee lo kapa tiinii, nii mina ngunu kaka tiinii ho tenka tiinii ngunuka alah lo, sango ka aguñ ka piigomi,

² sango mika kapa dopa miilyiho, ho ngunu hiimi kappatii, ho hiimi pyakodu, ho nunumi gyukodu santḛrlamanii sangomi niihna Aba ko donii ho ngunumi kapa dopa miitiinii,

³ nii mina ngunu kapa tiikunii ho tapatiikunii ngunu tiirḛ nunumi gyukodu, niimpalukoda nunumi ngunuka dukuñko dubo kodupa hiila; ho ngunuka dukuñ niisi Aba ka agiñ hoke ho mohka Oho Jisu Kristo ka agiñho.

⁴ Ho ngunu siimi kedunii niimpalukoda ngunu hempyo mi hempe kiine dupa.

Pinii Hutoh ke

⁵ Siika sike puyu ngunuka mohkokii ka tapanii ho nunu mika gyukonii, hiikahii Pinii hutoh ke ho mohko kamo hiila hang giima.

⁶ Ngunu matiirḛ ludo koda ngunu mohka agiñho dukuñ mondu hiila lubii dola ngunu kamo ila dokoda, ngunu golludo ho jije ho ngunu sama;

⁷ hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

⁸ Ngunu matiirḛ ingyamiigya ma ludo koda, ngunu atohmi gollu siido, ho jije hii ngunuko giima.

⁹ Ngunu matiirḛ ngunuka ingyamiigyanii atañmi khako siido kukoda, mo lotii ho jije ke, ho ngunuka ingyamiigyanii atañmi hello kendo ho kapane diimmah hokii ase kendo.

¹⁰ Ngunu matiirḛ ludokoda ngunu ingyamiigya ma hiila, ngunu mohmi gollu niipa ke miibii donii, ho mohka luniiñhii ngunuko nyima ke.