Nekemia 6 - Ebaibuli

¹ Kosodi kanen, nakelimokiniata Sanabalat ka Tobia, ka Gesem Earabut, ka lukasurupokosi ice, ebe abu eoŋ kaduk arwatat, komamei arorwa nakesalakinit tomake (karaida kerina eoŋ esipokina ikirigin lukorutei kapaarasia kanun);

² Keyakikis Sanabalat ka Gesem eoŋ kobalas ebe, “Kobia, keriamunos ediopet koreria luka apuuton naka Ono.” Konye keomito aiswamakin eoŋ aronis.

³ Kasodi aijukar ikiyakia mama ejaas kesi ebe, “Eswamai eoŋ aswam naepol, mam apedori alosit: inyo bo ti kitanania aswam, eoŋ ajalakin ŋes abunore mama ijaas?”

⁴ Keyakikis bobo kwaŋin irwan aoŋon; kabonok kwape kwaŋin,

⁵ Kosodi Sanabalat aiiukun ekekejaanakinan kwape kwaŋin irwan nakikanyet kitinite ebalua loepukoro kakanike;

⁶ ewadikatai kotomake cbe, “Elimorokinitai toma atekerin, abu da Gasimu kolim ebe, kwape iwomitotor ijo ka Iyudayan aipaliikin; ŋes kiinakini iduki arwatat: ikoto araun ekabakakee, kwape ejaatar akiro ŋun.

⁷ Ibwaiki da inabin luelimonokinete nukon ko Yerusalem, kineras atiar, ‘Ejai ekabaka toma Yuda’: kwana da itejenunio ekabaka kwape ejaatar akiro ŋun. Aso do, kobia, kenerut.”

⁸ Kasodi aiyakikin ŋes ebe, “Mam iswamaunitai akiro ŋun kwape inerar ijo, konye isabi ijo elopet kotaukon.”

⁹ Naarai akotosi kesi kere aitukurian sio ebe, “Kokalanyakata akaninikee, kinyek aswam aiswamaunio.” Konye kwana, wu Edeke, kitogogon ijo akakanin.

¹⁰ Abu kalot togo loka Semaia okoku loka Delaia okoku loka Meketabel, loagolokinitoi; kotema nesl atiar, “Keriamakinos oni togo loka Edeke, toma oyekalu; ido kagolokis ikekia luka eyekalu: naarai epote aiar jo; eebo, epote aiar jo kuare.”

¹¹ Katema atiar, “Etuŋanan loetia ne bala eoŋ tikeker? Iŋai da loetia ne bala eoŋ yeni ti keloma oyekalu aitajar akeijar? Mam alomari.”

¹² Kamisiik, ido koany, mam abu Edeke kijukunite ŋes: konye abu ŋesi kolimite adwaretait na nakaluikin: naarai aropitos Tobia ka Sanabalat ŋes.

¹³ Keropio kakirot kana tetere akurianari eoŋ kasodi aswam ŋun, kadiaka, kosodete kesi adumun akirot naerono kasodete amoromoroo.

¹⁴ Wu Ekadeke, kiitu Tobia ka Sanabalat kwape ajaatar aswamisiokec nu, ka anabi Noadia da, ka inabin ice, luti ketukurianata.

¹⁵ Kodaun arwatat kapaaran naka akaisaarei ka nukany kolap Elul, kotoma apaarasia akaisakany ka nuarei.

¹⁶ Kosodi kanen, kepuputu lukasurupokosi ŋun, kokuriakaros ikapirin kere lukirimorito sio, kodisiakaros kesi kakonyenekee: naarai koanyutu ebe aswam na eswamaa Edekekosi.

¹⁷ Ido kapaarasia kanun apotu isotia luka Yuda kiyakiasi ibaluan luipu mama ejai Tobia, luka’ Tobia da kopotu mama ajaas kesi.

¹⁸ Naarai ajaas koYuda luipu luapotu kiyapoikinito naarai kerai ŋesi ekamuran loka Sekania okoku loka Ara; abu okokuke Yekokanan komanyite akoku naka Mesulam okoku loka Berekia.

¹⁹ Ido kinerenenas aswamisioke nuejok kakonyeneka, kolimonokinete ŋes akiroka. Kiyakuununei Tobia ibaluan aisiyonia eoŋ.