Malaki 4 - Ebaibuli

¹ “Naarai ebala EJAKAIT loka ajoresio ebe, Koany, ebunit apaaran, esarani bala eupa; craunos luituros kere, ka luiswamaete aronis kere ariaŋ: icwei kes apaaran naebunit, mam ideikini kes aliasit karaida atenu.

² Konye yes luiyonito ekakiror elomuni kanukus akoloŋ naka adolit ejai kaitanaleun kotoma abebenokake. Ilosete yesi icuros bala itak keŋaun kauj.

³ Ebala EJAKAIT loka ajoresio ebe, Ipudapudaete yesi ikaronok; naarai eraunos ekurwon kotauon luka akeiekus kapaaran naeswamaa,

⁴ “Kiitutu ikisila luka Musa ekabulesit, lueeorakini ŋes koKoreb kanuka Isirael kere, ikisila ka itubesia.

⁵ “Koany, kejukakini yes Eliya enabi, eriŋa kebuno apaaran nin naepol nasogim naka EJAKAIT.

⁶ Ibelokini ŋesi itauon luka lukapapa mama ejaas idwekec, ka itauon luka idwe mama ejaas lukapapakee: kenyek eoŋ abunore aidany akwap kekenit.”