Kabakuk 1 - Ebaibuli

¹ Abwokon naabu Kabakuk enabi koany,

² Wu EJAKAIT, etodoli eoŋ ai aimony, Komam jo ipupuni? Eworo mama ijai nuka akaje, Komam jo itajari?

³ Kanukinyo kitodikinia eoŋ numanl adolit, Asesen ameŋeranut? Naarai ejai amudiar ka akaje kakonyeneka: Ejai da epeget, elomuni do aŋolopa.

⁴ Kanuka ŋun ŋes etapalunere ekisil, Mam etube da elomununei: Naarai irigauni ikaronon ikadoliton; ŋes elomununia etube lomagul.

⁵ Koanyutu yesi kotoma atekerin, Kosesenete, koumokis noi: Naarai eswamai eoŋ aswam kapaarasiakus, Namam iyuunete karaida kilimonokinitai.

⁶ Naarai koany, etonyouni Ikaludean, Ateker ŋin naededeŋ, naedodoro; Eracaete aitor alalau naka akwap, Airum aiboisio nuiboikinos numere nukee.

⁷ Eraas luesogim ka luketasuro: Elomuni etubekee ka apoloukee kama kikulepek,

⁸ Etiroko ibalasinikee aitelekarit irisai, Ededeŋ aitclekarit ipeen lukebon; Igararaete ikebwanenokokec, Eebo, epote ikebwanenokokee kama elwana; Eporitos bala emorukaalet loerurukit ainyam,

⁹ Epote kesi kere kanuka akaje; Iŋarenikinit kes etasuro. Etukonokinete lukijoreoro kwape kasine.

¹⁰ Eebo, isekelete kesi ikabakan, Emwanio ikapolok kamakee. Emwanete kesi niniibois naegogon; Naarai etukonokinete apua, irumete.

¹¹ Kosodete amotar kwape kekwam, Etuboros, luegwaunito akiro: Akecegogoŋ ŋes ekecedeke,

¹² Wu EJAKAIT Ekadeke, Ekalaunanika, Mam kereka jo ijai ageun apeŋo? Mam sio kitwaki. Wu EJAKAIT, ibu kicorak kes kanuka etube; Ŋo da, wu Atiiba, itieata kes kanuka alecor.

¹³ Irai ijo loka akonye nuesegaara numam esesenete aronis, Mam ipedori aite ameŋeranut, Kanukinyo iteio ijo nul luebilakinete ebotet, Ililinia da nailikoria ikaronon ituŋanan ycnedolit aitelekarit ŋes?

¹⁴ Ituluori ituŋa kwape agaria nuka aŋolol, Kwape lueliatos, luemameete ekayaitonikee.

¹⁵ Ikami kes kere kegolu, Eloki kes karujake, Etukonokini kes oboike: ŋes ibwonar, kiyalamikin da.

¹⁶ Kanuka nun ŋes einakinia asuban mama ejai aruiake, Isupurikini eboike lukisuputununo; Naarai kanukec ebur ewaike, epu inyamatake,

¹⁷ Aso do ebukenenei kereka lukoboike, Mam inyeini aiar atekerin tiritir?