Isabulin 94 - Ebaibuli

¹ Wu EJAKAIT, ijo Edeke lokenyanan, Ŋo Edeke Iokenyanan, kocaik!

² Konyou, ijo ekatubon loka akwap, Koinak luituros nuibusakinito kes.

³ EJAKAIT, itodolete ai ikaronok, Itodolete ai ikaronok kibwonatarar?

⁴ Ineras aamameak, ineras da nuka eitur, Eoloboboto bonik ikeswamak numam adolit kere.

⁵ Wu EJAKAIT, emunyumunyete kesi ikonituŋa, Aŋarut da akoniirumet.

⁶ Earete apuserut ka imoit, Earete da ikoki.

⁷ Kobalas ebe, “Mam EJAKAIT eanyuni, Mam Edeke loka Yakob eomoomoi.”

⁸ Koomoomata yesi luisubito bala itiaŋ kotuna: Ka yes da ibaŋiok, icounete wori?

⁹ Ŋol lokiswamauni akit, ŋes emam epupi? Lokesubi da akoŋu, ŋes emam eanyuni?

¹⁰ ŋol loeleeori atekerin, ŋes emam iteteni? Ŋopeŋol loisisianakini ituŋanan acoa,

¹¹ Ejeŋi EJAKAIT aomisio nuka ituŋanan ebe, Eraas nukamameak.

¹² Wu EJAKAIT, isirerenitoi ituŋanan yenileeorit ijo, Yenisisianakini ijo kokisilakon.

¹³ Isibworari ijo ŋes kinyek aanyun apaarasia nuka ican, Aitodol naebokikinere ikaronok aipany,

¹⁴ Naarai mam EJAKAIT ecakari ikeruna, Karaida aiial airumeteke.

¹⁵ Naarai etube eboŋori mama ejai adolit; Kes da luitenara kotauon etuparete ŋes,

¹⁶ Iŋai bo enyouni kanukatj aluikin ikeswamak nukaronok? Iŋai bo ebwoi kanukan aluikin ikeswamak numam adolit?

¹⁷ Kedim EJAKAIT araut ekenarakinanika, Esunyakinit ekatau aiboikin eililina.

¹⁸ Naalimunio ebe, “Ejurusiar akakeiu”; Wu EJAKAIT, aitimikon ŋes keganit.

¹⁹ Kotoma aipues naka aomisioka kotomaka, Isiyalamikinito aitalakaretakon ekatau.

²⁰ Epedorete kereka ikayaitok lukaronok aimorikikin kajo, Luisilakinete nukameneranut?

²¹ Etukonokinos nepepe aluikin aijar naka luedolito, Etubokinete da aiar aokot numam aronis.

²² Konye korai EJAKAIT ekapir loeoja: Ekadcke da korai atiibaka nakerianara.

²³ Enyakaki ŋesi kes numam adolitekec, Emudiari da kes karonisikec; Emudiari kes EJAKAIT Edekewok.