Isabulin 86 - Ebaibuli

Ailip naka Daudi.

¹ Kitoik akonikit, wu EJAKAIT, koboŋokinoi; Naarai eeana eoŋ ido elwaritoi.

² Kidar akaijar; naarai ayoŋit eoŋ Edeke: Wu jo Ekadeke, - kitaiar ekonibulesit lokimuno jo.

³ Kitimoi, wu EJAKAIT; Naarai amonyi mamakon aitiwar akwap.

⁴ Kisiyalamik aijar naka ekonibulesit; Naarai ekeunit ekatau mama ijai, wu EJAKAIT.

⁵ Naarai ijok ijo, EJAKAIT, itemokino aisioni, Epol aitimikon mama katjul kere lukiwoneetc joo

⁶ Wu EJAKAIT, kitoik akit akailip; Kopupok eporoto loka akaiŋaiŋa.

⁷ Kapaaran naka ieanika ewonei jo; Naarai kibonokini eoŋ.

⁸ Wu EJAKAIT, emamei loiputotor jo kodekesio; Emameetc da nueputotor akoniswamisio.

⁹ Wu EJAKAIT, epote atekerin kere nuibu kosub aima jo; Itopoloorete da ekonikiror.

¹⁰ Naarai ipol ijo, iswamai da nukaumokin; Ŋo bon Edeke.

¹¹ Wu EJAKAIT, kisisianakinai ekonirot, Alosenenei kotoma abeitekon: Kimorikik ekatau ayoŋ it ekonikiror bon.

¹² Wu EJAKAIT Ekadeke, keturi jo kekatau kerc; Etopoloori ekonikiror ikar kere.

¹³ Naarai epol akoniitim mama ajai: Ibu koyu akaiiar kaipany naejai kwap noi.

¹⁴ Wu Edeke, kanyoikis luiwonooko, Emoi da atukot naka lukakaje akaiiar, Komam kibwaikinito jo akonyenekee.

¹⁵ Konye jo, wu EJAKAIT, irai Edeke loileleba aision, isiana da, Iyapi anyunyurikin, epol akoniitim ka abeit.

¹⁶ Okwe, kibelokin mama ajai, kitimoi; Koinak ekonibulesit akonigogoŋ, Kitajar ikoku yenika akonibulesit.

¹⁷ Kitodikinai aanyunet naka ajokis; Tetere lukalaito eanyunete, kirumata ileic, Naarai ijo, EJAKAIT, ibu kinarak eoŋ, kitalaka da.