Isabulin 85 - Ebaibuli

Loka Ekapolokiton lueruos. Esabuli laka odwe luka Kota.

¹ EJAKAIT, kiminakinit akonikwap; Inyaku arereŋ naka Yakob.

² Isioni numam adolit nuka ikonituŋa, Irapaa aronisikec kere.

³ Ilema akoninyunyura kere: Ibelokin anyoun kadeden naka akoniisiop. Sela.

⁴ Kibelokinoi sio, wu Edeke loka akosiitajario, Kitanan akoniisiopanakin sio.

⁵ Inyunyurikini kereka ijo sio ikar kere? Isinatari kereka akoninyunyura aturio kere?

⁶ Mam kereka bobo kitaiari sio: Tetere ikonituŋa iyalamikinos kanukon?

⁷ Wu EJAKAIT, kitodikinai sio akoniitim, Koinakinai sio akoniitaiar,

⁸ Eirari eoŋ nuinera Edeke EJAKAIT: Naarai elimonokini ituŋake ka lukalaunakake ainapakin: Konye sirikemanasi bobo neejai abaŋaanut.

⁹ Abeit eapie aitajarake kanul kalueyonito ŋes; Tetere iboienenei aibuses kakwapuwok.

¹⁰ Eriamunos aitim ka abeit; Anuanaros adolit ka ainapakin.

¹¹ Elibi abeit kotoma alup; Ete adolit kwap kojai toma akuj.

¹² Eebo, einakini EJAKAIT ajokis; Emienenei awokokwap.

¹³ Iŋarenikini adolit ŋes; Itemokini erot loitorete akekeie,