Isabulin 80 - Ebaibuli

Loka Ekapolokiton lueruos; aruo naka Apecelun. Aitejenikinet naka Asap, Esabuli.

¹ Wu ekecokon loka Isirael, kopupok, Ijo loinarenikinit Yosep bala esipan loka amerekekin; Ŋo loiboie kama kikerubin, kocaik.

² Kisidik akonigogoŋ kakonyen nuka Epuraim ka Benyamin ka Manase, Kobu aitajar sio,

³ Kinyakarai sio bobo, wu Edeke; Kitacau akonikonyen, sio da kitajario,

⁴ Wu EJAKAIT Edeke loka ajoresio, Itodoli ai inyunyurikinit ailip naka ikonituŋa?

⁵ Itanyam ijo kes atap naka akiyo, Itamat kes akiyo nuipu noi.

⁶ Kitarau sio eŋuŋet kama ejaas iidunyetakosi: Lukasurupokosi ekienanakinos bonik.

⁷ Kinyakarai sio bobo, wu Edeke loka ajoresio; Kitaeau akonikonyen, sio da kitajario.

⁸ Ibu kitolom emusabibu anyoun kakwap nako Misiri: Ibu kirenea atekerin, kiraik ŋes,

⁹ Ibu kirienya akwap kakonyeneke, Koremo akeieke kwap noi, kiriam akwap kere.

¹⁰ Abu etolimike korapia ironan, Aketenuna koputos kiresia luka Edeke.

¹¹ Kigananata aketenun kiton aŋolol, Akelibuneta da kodolo Oeor.

¹² Kanukinyo ibilia ijo akebwas, Tape luitorete orot kere edenete?

¹³ Iboiboi eputir akitoike, Itian da lukadedenak lukais enyamete ŋes.

¹⁴ Wu Edeke loka ajoresio, kinainait jo, kibelokin bobo: Konolia kwap ijai kuju, kosesen, Koanyana emusabibu lo,

¹⁵ Atorom naabu akonikan nakoteten kiraik, Ka atenu naibu ijo kitogogon kanukon,

¹⁶ Ieweio kakim, ajepar eut: Etwakete kisinir luka akonyenekon.

¹⁷ Koiaun akanikon neejai etuŋanan loka akanikon nakoteten, Ncejai okoku loka etuŋanan loibu ijo kitogogon kanukon.

¹⁸ Kwaŋin mam sio kibonori kama ijai ijo: Kitajarunai sio, sio da kiwonei ekonikiror.

¹⁹ Kinyakarai sio bo bo, wu EJAKAIT Edeke loka aioresio; Kitaeau akonikonyen, sio da kitajario.