Isabulin 73 - Ebaibuli

EITABO III

Esabuli laka Asap,

¹ Abeit ejok Edeke mama ejai Isirael, Ido mama ejaas luesegas kotauon.

² Konye eoŋ, nepetai akakeje apaar; Nepetai da eoŋ aiurusiar kotoma alositeka.

³ Naarai etokokolit eoŋ luituroko, Naanyunia akerianut naka ikaronok.

⁴ Naarai emamei ariebo katwanarekee: Konye icasit akecegogoŋ.

⁵ Mam kes iticanitos bala icetuŋa; Karaida aisiriebio kwape kalucetuna.

⁶ Kanuka ŋun esubit eitur bala erikot loenapakinitai omurisiŋakee; Imukorit akaie kes bala anapito.

⁷ Itulereras akeeekonye kanuka atumes: Ipu noi luejaatar adepar luipudas ikecetauon.

⁸ Isekelos, ido kotoma aronis ŋes ineratar nuka areit: Ineras kitopoloro bonik.

⁹ Eluikinit akeeeituk akuj; Ido itorit akecenaiep kakwap.

¹⁰ Ŋes abonunioto iketuŋa nee: Tape ikokoorete akipi nuileleba aikopo.

¹¹ Kobalas ebe, “Ikwaikini Edeke ejenum ai? Ejai da adiocoa neejai Loejai kuju kakui?”

¹² Koany, ŋul kes ikaronok; Kanuijamamata due, iyatanakin abarakec.

¹³ Abeit etesega eoŋ ekatau taai; Elot akakanin kotoma amamut aronis.

¹⁴ Naarai ketieani apaaran kere, Ŋinitupurue da kalecorio.

¹⁵ Arai katemarite ebe, “Mere kener kwaŋin,” Koany, ti kabilakebotet aturi naka idwekon.

¹⁶ Naaomoomaa epone lojenunet ŋin, Abu kesirieb eoŋ noi;

¹⁷ Aitodol nealomaria eoŋ aibois nakalaunan naka Edeke, Kaomoom esanekec lokokau.

¹⁸ Abeit ibwaik ijo kes aiboisio nuerurut, Icakak kes toma amudiario.

¹⁹ Aluoros kesi asiles atipet! Amudia kes eut etasuro.

²⁰ Kwape airujasit kekwenyu irunanan; Kwaŋin, wu EJAKAIT, naikwenyunia ijo, imwani ijo akeceput,

²¹ Naarai abu kokadak ekatau, Aponi keeumi oŋeretenyaka:

²² Abu kasubite bala etiaŋ, loemamei aijen; Karai eoŋ etiaŋ kakonyenekon.

²³ Konye ajaenena kaio due: Itiŋi ijo akakan nakoteten.

²⁴ Kinarenikini ijo eoŋ kainerunetekon, Kokau kanun kisukunyikini eoŋ kaibuses.

²⁵ Iŋai bo ikan yenejai toma akui, nabarai ijo? Emamei idiotuŋanan kakwap yenepuda eoŋ dimarai ijo.

²⁶ Arumoros akakiriŋ ka ekatau: Konye Edeke ŋes atiiba naka ekatau, ŋes ekawai ikar kere,

²⁷ Naarai, koany, nul luelwaka kamakon eoliorete cut: Imudia ijo ŋul kere lukinyeis jo kolosete eporo,

²⁸ Konye ejok eoŋ aapu kama ejai Edeke: Etarau EJAKAIT Edeke akaŋopis, Tetere alimonokini nukaswamisiokon kere.