Isabulin 72 - Ebaibuli

Esabuli loka Solomon.

¹ Wu Edeke, koinak ekabaka itubesiakon, Okoku loka eka baka da akonidolit.

² Irabanakini ŋesi ikoniruna kadolit, Ka lukicanikon ketube.

³ Einunete ironan ituŋa ainapakin, Ka iukono da adolit.

⁴ Irabanakini ŋesi lukican kotuna, Eyuuni idwe luka luilwaritos, Emunyumunyei da ikamwanan.

⁵ Eyoŋete jo eriŋa akoloŋ ejai, Eriŋa da elap ecai, anatar aturio kere.

⁶ Ŋesuni kwape etepakinia akiru anya nuetubub: Kwape irwairwaikinia elimilim akwap.

⁷ Ekeriakaros ikadolitok kapaarasiake; Ainapakin da naepol aitodol naemamuunor elap.

⁸ Emeari akejakanut kaŋolol kiton aŋolol, Koeor kiton osaŋeta luka akwap.

⁹ Luibojete kamodiŋ ekukonokinos ŋes; Lukasurupoke da idielete apua.

¹⁰ Eyaunete ikabakan luka Tarusis ka luka apujana ainakineta; Ikabakan da luka Syeba ka Seba einakinete akorakineta.

¹¹ Eebo, isudedikinos ikabakan kere kakonyeneke: Ŋaanakinete ŋes atekerin kere.

¹² Naarai eyuuni yenilwaritoi kemony; Ka yenikican yenemamei ekenarakinan.

¹³ Itimi yenikican ka yenilwaritoi, Itajari da aijar naka luilwaritos,

¹⁴ Elakuni aijarakee kotoma amwanio ka adedeŋ: Aokotokec da eraunos nuka etiai loepol kakonyeneke.

¹⁵ Ejarete; einakinio ŋes esabu loka Syeba: Ilipanakinete ŋes ituŋa tmtir; Imalaete ŋes apaaran kere.

¹⁶ Idiliunete akima kakwap kaidiasia nuka ironan; Araitoke da kijaŋijaŋa kwape ka Lebanon: Epolooros lukore bala anya nuka akwap.

¹⁷ Ebusi ekekiror ikar kere: Ikopa ekekiror kwape ebusio akoloŋ: Isirerenio ituŋa kotomaken; Atekerin kere nuka akwap enyaraete ŋes lokareren,

¹⁸ Kituritete EJAKAIT Edeke, Edeke loka Isirael, Loesubi bon nukaumokin.

¹⁹ Kituritete ekekiror lokaibuses ikar kere; Akwap kere kilelebun akeibuses. Amen, Amen.

²⁰ Asanata ne ailipasia nuka Daudi okoku loka Yese.