Isabulin 23 - Ebaibuli

Esabuli loka Daudi.

¹ EJAKAIT ŋes ekeCokonika; Emamei ibore yenepuda,

² Kesiperikini amelo: KeŊarenikini ariri naka akipi nueliiliete,

³ Iteteuni ekatau; KeŊarenikini korotin luka adolit kanuka ekekiror,

⁴ Eebo, karaida ketor aditot naka etoribe loka atwanare, Mam akurianar aronis kere; Naarai ijai ijo keoŋ; Akonimorok ka ebelakon kes ketalakarito,

⁵ Itemonokini ijo emesa neajai eoŋ Kakonyen nuka lukasurupoka; Inyonyoik akinyet akouka; Ilapanar kadereka.

⁶ Abeit ajokis ka aitim katupenenete eoŋ Apaarasia kere nuka aijaraka; Eboienenei kotogo loka EJAKAIT ikar kere.