Isabulin 2 - Ebaibuli

¹ Kanukinyo enyunyuratatar atekerin, Kanukinyo da itetemonoriata ituŋa aamameak kotauonokec?

² Etemonokinos ikabakan luka akwapin, Enerut ikayaitok da nepepe, Asurokin EJAKAIT ka Kristoke atiar,

³ Kaiŋedeŋedata ikecerikoi, Kacakasi da aunoikec.”

⁴ Ekienie ŋol loiboie kotoma akuj; Isekelei kes EJAKAIT.

⁵ Kosodi isiejanakini kes; Iticani kes kakeisiop naepol,

⁶ Ebe, “Konye ebwaik Ekakabaka Koukotoka lokalaunan loka Sion.”

⁷ Alimokini nuka ekisil: Abu EJAKAIT katema eoŋ atiar, “uoŋ Okokuka; Lolo kauru jo

⁸ Kilipai, kainakini atekerin aluor akoniirumet, Isaiŋeta da luka akwap aluor lukon.

⁹ Ibili kes kebela loka asuat; Ibwaŋabwaŋai kes cut bala amot naka ekajean.”

¹⁰ Aso do kocoutu, yes ikabakan: Kituutooros, yes ikatubok luka akwapin.

¹¹ Kijaanakis BJAKAIT kayoŋit; Kiyalamikinos kamaran.

¹² Konuata Okoku, kinyek anyunyurikin, kosodete yesi aolior! korot, Naarai isunyari akenyunyura ainepun. Isirereŋitoi kere luemunos ŋes.