Isabulin 146 - Ebaibuli

¹ Kituroto yesi EJAKAIT! Kiturite EJAKAIT, wu ekatau,

² Eturi EJAKAIT aroko abusi: Ayei aiturit EJAKAIT aroko ajari.

³ Sirikimunokin ikapolok, Karaida okoku loka ituŋanan, loemamei aiŋarakin.

⁴ Elosi eiyeŋaneke, eboŋori alupoke; Eoliorete aomisioke apaaran ŋipeŋin.

⁵ Iyalama ŋin yenerai Edeke loka Yakob ekenarakinanike, Yenemuno EJAKAIT Ekedeke:

⁶ Lokesubi akuj ka akwap, Aŋolol, ka luejaas tomakec kere; Loidari abeit ikar kere:

⁷ Loitodoli etube kanuka luemwaŋitai; Loitanyami lueriebi eteŋei inyamat. Elacakini EJAKAIT lueenitai;

⁸ Itwekenyuni EJAKAIT akonye nuka imudukiok; Itonyouni EJAKAIT luekukumito; Emina EJAKAIT luedolito;

⁹ Idari EJAKAIT imo; Igaŋi ikokiok ka apuserun; Konye ebuburiari erot loka ikaronok.

¹⁰ Irumi EJAKAIT ikar kere, Edekekon, wu Sion, anatar aturio kere, Kituroto yesi EJAKAIT!