Isabulin 142 - Ebaibuli

Masikil laka Daudi, nakejaar yesi toma abua. Ailip.

¹ Amonyi kekaporoto mama ejai EJAKAIT; Eŋaiŋai EJAKAIT kekaporoto.

² Adoriani kakonyeneke; Etoduni ikacan.

³ Naeiloror ekamoyo kotomaka, Ibu kojen ekasokot. Ebwaata kesi eic lokalokitotor korot loetorit.

⁴ Kosesen akanika nakoteten, koany; Naarai emamei ituŋanan yenikajeni: Kakurwoki aiku; emamei ituŋanan yenepodo ekatau,

⁵ Wu EJAKAIT, abu kamony mama ijai; Kabala ebe, ljo neekeriaraka, Airumeteka da kakwap naka ikajarak.

⁶ Kopupok akaimony; Naarai ketisili noi. Koyuunai kama ejaas lukemanito; Naarai ketelekarito eoŋ kagogoŋ,

⁷ Kitolom ekatau kaidaris, Tetere emalai ekonikiror: Kerimorito ikadolitok; Naarai kikonakini ijo eoŋ nuejok.