Isabulin 14 - Ebaibuli

Loka Ekapolokiton lueruos. Esabuli loka Daudi.

¹ Atema yenibaŋ kotauke atiar, “Emamei Edeke.” Abosa kesi, eswamata nukasilianut; Emamei yeniswamai nuejok.

² Abu EJAKAIT kosesen kokuju idwe luka ituŋa kokwap, Aanyun arai cani ejaas luejenete, Luemoete da Edeke.

³ Apaasi kere; emodumodunos; Emamei yeniswamai nuejok, emamei imodio da.

⁴ Emamei kereka luiswamaete numam adolit kere aijen? Luenyamete ikatuŋa kwape enyamiata atap, Komam iwoneto EJAKAIT.

⁵ Akuriaka noi kaŋina; Naarai ejai Edeke katur naka luedolito,

⁶ Itisilete ainerun naka lukican, Naarai EJAKAIT ŋes neekerianarake.

⁷ Okwe, arai kolom aitajar naka Isirael koSion! Nainyakunia EJAKAIT iketuŋa luaŋataritai, Ti Yakob kibwoŋ, kiyalamikin Isirael.