Isabulin 135 - Ebaibuli

¹ Kituroto yesi EJAKAIT! Kituroto ekiror loka EJAKAIT; Kituroto ŋes, yes ibulesin luka EJAKAIT;

² Yes luibwoete kotogo loka EJAKAIT, Kalaroi da nuka etogo loka Edekewok.

³ Kituroto yesi EJAKAIT; naarai ejok EJAKAIT: Koyooto aiturit ekekiror; naarai ibus,

⁴ Naarai aseu EJAKAIT Yakob kanukeŋ, Isirael da araun abarake obe.

⁵ Naarai ajeni ebe epo! EJAKAIT, Itelekarit da EwokoJAKAIT idekesio kere.

⁶ Nuetojokit EJAKAIT, nupeŋun eswama ŋesi, Kotoma akuj, ka akwap, ka aŋololin, ka ataroi kere da.

⁷ Itupurionori ilisinai kosaneta luka akwap: Ka eimilia aupa kakiru; Itukutuni ikwamin kaiŋadisiake.

⁸ Loabu kodany ikiyaik luko Misiri, Luka ituŋa ka luka itiaŋ da.

⁹ Abu kijuk aanyuneta ka nukaumokin kidiŋikon, ijo Misiri, Mama ka Parao, ka ikebulesin kere.

¹⁰ Loabu kodany atekerin nuipu, Koara da ikabakan lukagogoŋ:

¹¹ Sikon ekabaka loka Imorain, Ka Og ekabaka laka Basan, Ka ajakanuto kere da nuka Kanaan:

¹² Koinak akecekwap araun airumet, Airumet naka Isirael iketuŋa,

¹³ Wu EJAKAIT, ejaenena ekonikiror ikar kere; Wu EJAKAIT, ejaenena aiitunetekon anatar aturio kere.

¹⁴ Naarai etubokini EJAKAIT iketuŋa, Iituni da ikebulesin.

¹⁵ Aputosia nuka atekerin eraas epuesa ka esabu, Aswam naka akanin nuka ituŋa,

¹⁶ Ejaas kes aituke, konye mam ineras; Ejaas akonye, konye mam esesenete;

¹⁷ Ejaas aki, konye mam epupete; Emamei da edioiyeŋane kaitukekec,

¹⁸ Eputokinos lueswamaete kes kakes; Eebo, ŋinidiopet yenemuno kes,

¹⁹ Ijo ekek loka Isirael, kituroto EJAKAIT: Ijo ekek loka Aaron, kituroto EJAKAIT:

²⁰ Ijo ekek loka Lebi, kituroto EJAKAIT: Yes luiyoŋito EJAKAIT, kituroto EJAKAIT.

²¹ Kituritete ETAKAIT koSion, Loiboie ko Yerusalem. Kituroto yesi EJAKAIT.