Isabulin 129 - Ebaibuli

Ekosio loka Adokanar.

¹ Kotema do Isirael ebe: “Keticanata eoŋ irwan ipu ameun keiditeuka,

² Keticanata eoŋ irwan ipu ameun keiditeuka: Konye mam kepikorito.

³ Apotu ikakoriok kokorioto opuraka; Etoojasi aloboikec.”

⁴ Edolit EJAKAIT: Aŋed ŋesi aunoi nuka ikaronok.

⁵ Kisurumai kes ileic kitoboŋooroi, Ŋul kere luelaito Sion.

⁶ Kosubata kesi bala anya koswion luka itogoi, Nueokete eroko kepolooro:

⁷ Numam ilelebia ekasakan akekan, Karaida loeeni iisutan atorobuke.

⁸ Luitorete nen da mam etemarete ebe, “Arereŋ naka EJAKAIT kojai kayes; Kilipakini yes arereŋ kokiror loka EJAKAIT.”