Isabulin 123 - Ebaibuli

Ekosio loka Adokanar.

¹ Keteluori jo kakakonye, Wu jo loiboie kotoma akuj.

² Koany, kwape eseseniata akonye nuka ibulesin akan naka ekecejakait, Ido kwape eseseniata akonye nuka abulesit ajakaitike; Kwape kwaŋin eseseniata akosikonye EJAKAIT Ekosideke, Aitodol nakitimio ŋesi sio.

³ Kitimoi sio, wu EJAKAIT, kitimoi sio: Naarai kiup isio cut amenio.

⁴ Aupa ikositauon Aisekelio naka ŋul kaluijakakaete, Ka amenio naka luiturosi.