Isabulin 118 - Ebaibuli

¹ Okwe kimalata EJAKAIT, naarai ejok ŋesi: Naarai eiaenena akeitim ikar kere,

² Kotema do Isirael ebe, “Ejacnena akeitim ikar kere.”

³ Kotema do ekal loka Aaron ebe, “Ejaenena akeitim ikar kere.”

⁴ Kotemasi kesi da lueyonito EJAKAIT ebe, “Ejaenena akeitim ikar kere.”

⁵ Abu kewone EJAKAIT kationisika: Kaboŋok EJAKAIT, kebwaik da aibois naelal.

⁶ Ejai EJAKAIT owaika, mam akurianar: Inyo bo epcdori ituŋanan aiswamakin eoŋ?

⁷ Ejai EJAKAIT owaika kama kanul kalukenarakinete eoŋ: Kanuka ŋun aanyuni eoŋ nuepuda kama kanul kalukalaito eoŋ.

⁸ Eiok amun EJAKAIT, Itia amunokina ituŋanan.

⁹ Eiok amun EJAKAIT, Itia amunokina ikapolok.

¹⁰ Kalukut eoŋ atekerin, Kokiror loka EJAKAIT amudiari kes.

¹¹ Kalukut eoŋ, eebo, kalukut: Kokiror loka EJAKAIT amudiari kes.

¹² Kalukut eoŋ bala ao; Aduniosi kesi bala akim nakokukwa: Kokiror loka EJAKAIT amudiari kes.

¹³ Ibu koremo eoŋ noi tetere ebiror: Konye abu EJAKAIT kenarak,

¹⁴ EJAKAIT ŋes akagogoŋ, ekakosio da, Ido araun ŋesi akaitajar.

¹⁵ Eporoto loka ailel ka aitajario ejai toma oweman luka ikadolitok: Iswamai akan nakoteten naka EJAKAIT nukatitin.

¹⁶ Itopolooritai akan nakoteten naka EJAKAIT: Iswamai akan nakotetcn naka EJAKAIT nukatitin,

¹⁷ Mam atwani konye ajari, Kasodi alimor aswamisio nuka EJAKAIT.

¹⁸ Kaleco noi EJAKAIT eoŋ, Konye mam abu kainak atwanare.

¹⁹ Koŋaikinai eoŋ ikirigin luka adolit: Alomari tomakec, emalai EJAKAIT.

²⁰ Ŋol ŋes erute loka EJAKAIT; Elomarete ikadolitok tomake.

²¹ Kemalaenenei jo, naarai kibonok eoŋ, Ido iraun akaitajar,

²² Amoru naanerete ikadukok Araun nakapolon naka agor.

²³ Ŋin ŋes aswam naka EJAKAIT; Eumokina noi kakonyenewok.

²⁴ Na ŋes apaaran naasubi EJAKAIT; Kileli keyalamasi da kotomake.

²⁵ Wu EJAKAIT, kitajarai kinainair: Wu EJAKAIT, kiŋaiŋait, kijuk akerianut.

²⁶ Isirerenitoi ŋol loebuni kokiror loka EJAKAIT: Kilipaki isio yes arereŋ kotogo loka EJAKAIT.

²⁷ EJAKAIT ŋes Edeke, kiinak oni aica: Koenikisi asubanit kaunoi amumwar nuka etem,

²⁸ Irai ijo Ekadeke, kemalaenenei jo, Irai ijo Ekadeke, ketopoloonori.

²⁹ Okwe kimalata EJAKAIT; naarai ejok ŋesi; Naarai ejaenena akeitim ikar kere.