Isabulin 110 - Ebaibuli

Esabuli loka Daudi.

¹ Abu EJAKAIT kotema ekaiakait ehe, “Kiboikin akanika nakoteten, Aitodol naebwaikinia lukasurupokon kwap kakeienekon.”

² Iiukari EJAKAIT ebela loka akonigogoŋ anyoun ko Sion: Kirumite ijo kokidin kalukasurupokon.

³ Ŋaikinos ikonituŋa kakote kapaaran naka apedorikon: Kajokisio nuka alaunit, kakoik naka atupuruc, Ejaas jo akopyo nuka ikatumunakakon.

⁴ Eyapoiki EJAKAIT, ido mam ijulakini, ebe “Irai ijo esasedoti ikar kere Kwape ejaar epone loka Melukisadek.”

⁵ EJAKAIT, kakanikon nakoteten Icumi ikabakan aipelor kapaaran naka anyunyurake.

⁶ Etubokini ŋesi atekerin, Isilelebikini aiboisio awate nukatwak; Icumi aipelor ikapolok kakwapin nuipu,

⁷ Emasi akipi nuka aguurut nakorot: Kanuka ŋun ikeuni akou.