Isabulin 109 - Ebaibuli

Loka Ekapolokiton lueruos. Esabuli loka Daudi.

¹ Sirikililiŋ, wu Edeke loerurenenei;

² Naarai kaoonikis ikaronok ka ikeŋalak akeceituke: Enerata keoŋ kanaiep naenalai,

³ Kalukut kakiro nuka alait, Ketijioto da komamei akirot.

⁴ Itia aminaka ŋes araunotor lukasurupoka: Konye elipenenei eoŋ,

⁵ Karopata eoŋ aronis itia ajokis, Ka alait da itia akamin.

⁶ Kodakak ijo ekaronon ayait ŋes: Kitobwo da lokasurup kakanike nakoteten.

⁷ Naetubokinere ŋes, kolom itelekarito akiro; Kitaraunai da akeilip adiakaret,

⁸ Kikidiokoto akepaarasia; Koyana ice akeibois.

⁹ Koraunos ikedwe luemameete papakec, Akeberu da apuserut.

¹⁰ Koraunos ikedwe ipasoi, inyamuren da; Komoata inyamat kaneelwana anyoun koreriakee luatiyanakinos.

¹¹ Koyana lokapeseneke kere luejaatar ŋesi: Konatasi imo ikorionoke.

¹² Komamuun yeniswamakini ŋes nukasianut; Komamuun da yenitimi idweke luemamei papakee.

¹³ Kitananai aurike; Komwatarai da ekeeekiror katuri nactupak ini,

¹⁴ Kiitu EJAKAIT numam adolit nuka lukapapaake; Sirikemwatar aronis naka totoke,

¹⁵ Kojaenenas kesi kakonyen nuka EJAKAIT dueudue, Tetere itanani aiitunetekec kakwap,

¹⁶ Naarai mam abu kiitu aitodun aitim, Konye irigai yenikican ka yenilwaritoi, Ka yenebilil etau, aiar kes,

¹⁷ Eebo, amina ŋesi ekenit, kobunok ŋes; Mam abu kisiyalamik ailipakin arereŋ, kolwanari do kamaken,

¹⁸ Konap ekenit bala anapitoke, Koloma da tomake bala akipi, Ido bala akinyet toma akoioke.

¹⁹ Koraun kamake bala anapito naerapitor akekuan, Ka amuny da naeenitor ŋes due.

²⁰ Ŋol ŋes eropit loka lukasurupoka kama ejai EJAKAIT, Loka ŋul da luineras nueroko aluikin ekatau.

²¹ Konye wu Edeke EJAKAIT, kiswamakinai, kanuka ekirorikon, Naarai ejok aitimikon, koyuunai,

²² Naarai eeana ido elwaritoi, Ekatau da imusunitai kotomakan,

²³ Alosi bala etoribe loeoliori; Kelakilakar eoŋ bala emaase.

²⁴ Anonokata akakuŋin kanuka aikany eteŋei; Adokoror akakuan.

²⁵ Araun eoŋ amorosit kamakee: Nakaanyuniata eoŋ imunumunete akecekwes.

²⁶ Wu EJAKAIT Ekadeke, kinarakinai; Okwe, kitajarai kwape ejaar akoniitim:

²⁷ Tetere ejenunete ebe ŋin ŋes aswam naka akanikon; Ebe ijo, EJAKAIT, ŋes iswama.

²⁸ Kikenoto kesi, konye kisireren ijo: Naenyounioto, irumete ileic, konye eleli ekonibulesit.

²⁹ Kitanapai lukasurupoka aitisilio, Kimukoros da ikeeeleic bala elou.

³⁰ Emalaenenei noi EJAKAIT kaitukuka; Eebo, eturenenei ŋes kokodet.

³¹ Naarai ebwoenenei ŋesi kakan nakoteten naka yenilwaritoi, Aitaiar ŋes kama ejaas luetubokinete eketau,